Թուրք գրող. «Ներկայիս Թուրքիայում շատ դժվար է հայ, քուրդ կամ ալևի լինել»

Հասարակական10:09, 06 Մայիս 2016

Թուրք գրող. «Ներկայիս Թուրքիայում շատ դժվար է հայ, քուրդ կամ ալևի լինել»

Թուրք հայտնի գրողներ Օրհան Փամուքը և Էլիֆ Շաֆաքը մտահոգություն են հայտնել Թուրքիայում աշխարհիկությանն ուղղված սպառնալիքի վերաբերյալ:

Էլիֆ Շաֆաքը, որը նաև հայերի մասին պատմող «Ստամբուլի բիճը» վեպի հեղինակն է, «The Guardian» թերթում հրապարակված «Թուրքիայում արդեն քաղաքական գործիչների վրա անգամ չենք կարողնում ծիծաղել» վերնագրով հոդվածում անդրադարձել է Թուրքիայում ստեղծված իրավիճակին:

«Մեր ազգը պառակտվել է: Մեր վարչապետը թողել է իր պաշտոնը: Խոսքի ազատությունը և աշխարհիկությունը վտանգի տակ են»,-Շաֆաքի խոսքերը մեջբերել է թուրքական «Ensonhaber» լրատվական կայքը:

Թուրք գրողը հոդվածում անդրադարձել է նաև Թուրքիայի փոքրամասնությունների դրությանը՝ նշելով, որ ներկայիս Թուրքիայում շատ դժվար է հայ, քուրդ կամ ալևի, նույնիսկ նույնասեռական և անգամ կին լինել:

Իսկ Նոբելյան մրցանակակիր, գրող Օրհան Փամուքը Թուրքիայում աշխարհիկությանն ուղղված սպառնալիքի մասին խոսել է իտալական «La Repubblica» թերթին տված հարցազրույցի ժամանակ: Ինչպես հայտնում է թուրքական «Aktifmedya» լրատվական կայքը, Փամուքն ընդգծել է, որ Թուրքիայի իսլամամետ կառավարությունը սկսել է ավելի ռեպրեսիվ և ավտորիտար դառնալ:

«Ես ինձ համար չեմ վախենում, այլ իմ երկրի, ընկերների, աշխարհիկ թուրքերի, կրթված մարդկանց, Եվրոպայի կողմնակիցների համար եմ վախենում»,-ասել է հայտնի գրողը՝ նշելով, որ իշխանություններին քննադատող լրագրողները հետապնդումների են ենթարկվում, հեռացվում են աշխատանքից, իսկ ընդդմադիրը լրատվամիջոցները փակվում են:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։