Թուրքիայի ոստիկանությունը պատրաստվում է մայիսի 19-ի հավանական ահաբեկչությանը

Տարածաշրջան12:40, 16 Մայիս 2016

Թուրքիայի ոստիկանությունը պատրաստվում է մայիսի 19-ի հավանական ահաբեկչությանը

Թուրքիայի ոստիկանության գլխավոր վարչությունը 81 նահանգների ոստիկանական վարչություններին զգուշացում է ուղարկել մայիսի 19-ին երկրի տարածքում սպասվելիք հավանական ահաբեկչության մասին:

Ըստ թուրքական «Haberler.com» լրատվական կայքի` բոլոր վարչություններին ուղարկված նամակներում նշված է, որ հետախուզական տեղեկություններ կան առ այն, որ «Իսլամական պետություն» (ԻՊ) ահաբեկչական կազմակերպությունը ծրագրում է մայիսի 19-ին Թուրքիայում ահաբեկչություն կազմակերպել:

Ըստ աղբյուրի՝ վարչություններին ցուցում է տրվել վերանայել ամսի 19-ին Աթաթուրքի հիշատակի, սպորտի ու երիտասարդության օրվա կապակցությամբ ձեռնարկվող անվտանգության միջոցառումներն ու ավելացնել նորերը:

Մյուս կողմից հետախուզական ստորաբաժանումները հայտնել էին, որ այդ օրը ԻՊ-ի թիրախում են լինելու Աթաթուրքի դամաբարանն ու Անկարայի Ջեբեջի կոչվող զորամասը:

Մամուլում հայտնված լուրերից հետո Թուրքիայի ԶՈՒ գլխավոր շտաբը հայտարարություն է տարածել, որում նշվել է, որ մայիսի 19-ին դամբարանը բաց է լինելու այցելուների համար:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։