Թուրքական ծագումով Բունդեսթագի պատգամավորը ելույթ է ունեցել «անմոռուկ» կրծքանշանով

Ցեղասպանություն13:42, 02 Հունիս 2016

Թուրքական ծագումով Բունդեսթագի պատգամավորը ելույթ է ունեցել «անմոռուկ» կրծքանշանով

Այսօր Գերմանիայի դաշնային խորհրդարանում Բունդեսթագում, քվեարկության դրված Հայոց ցեղասպանությունը ճանաչող օրինագիծը հաստատվեց ձայների ճնշող մեծամասնությամբ (միայն 1 դեմ և 1 ձեռնպահ):

Թուրքական «Sondakika.com» լրատվակայքի տեղեկացմամբ՝ բանաձևի հաստատումից առաջ ելույթ ունեցած Գերմանիայի «Կանաչների կուսակցության» համանախագահ, ծագումով թուրք Ջեմ Օզդեմիրը Թալեաթ և Էնվեր փաշաներին մարդասպան է անվանել:

Օրինագծի ընդունման համար պայքարի առաջատարներից մեկը հանդիսացող Օզդեմիրը նշել է, որ հաշվի առնելով հավանական հետևանքները՝ չպետք է թաքցնել պատմական իրողությունները: Նա հիշեցրել է, որ Թուրքիայում «հայ» բառն օգտագործվում է որպես վիրավորանք:

Օրինագծի հաստատումից հետո «Կանաչների» համանախագահը շնորհակալություն է հայտնել երկրում գործող եկեղեցիներին, նախագահ Յոահիմ Գաուկին և դաշնային խորհրդարանի նախագահին՝ Հայոց ցեղասպանության խնդիրը խորհրդարանի օրակարգ բերելու հարցում գործադրված ջանքերի համար:

Նշենք, որ այսօր՝ հունիսի 2-ին Գերմանիայի դաշնային խորհրդարանում Հայոց ցեղասպանության ճանաչման բանաձևի քվեարկությանը Կանցլեր Անգելա Մերկելը ներկա չի եղել:

Աղբյուր` Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։