Ըստ կյանքի որակի՝ Թուրքիան 38 երկրների ցանկում վերջին հորիզոնականներում է

Հասարակական09:08, 02 Հունիս 2016

Ըստ կյանքի որակի՝ Թուրքիան 38 երկրների ցանկում վերջին հորիզոնականներում է

Հրապարակվել է «Տնտեսական համգործակցության և զարգացման կազմակերպության» (OECD) մշակած «Առավել բարվոք կենսամակարդակի ինդեքսը»:

Թուրքական «Milliyet» թերթի կայքը ներկայացնում է նշյալ զեկույցի՝ Թուրքիային վերաբերող տվյալները: Այսպիսով, ըստ կյանքի որակի՝ Թուրքիան 10 հնարավորից վաստակել է 3.9 միավոր՝ զբաղեցնելով վերջից երրորդ տեղը ՄԵքսիակայից և Հարավային Աֆրիկայից հետո:

Կրթության ոլորտում (25-64 տարեկանների շրջանում) կատարված ուսումնասիրության համաձայն՝ Թուրքիայում միջին կրթական մակարդակ ունի բնակչության 36 տոկոսը: Նշենք, որ այս ոլորտի համար OECD-ի սահմանած միջին ցուցանիշը կազմում է 76 տոկոս:

Զեկույցի համաձայն՝ Թուրքիան 38 երկրների ցուցակում վերջին տեղն է գրավում` ըստ բնակիչների ունեցած ազատ ժամանակի: Այստեղ քաղաքացիները օրվա մեջ ունեն աշխատանքից ազատ ընդամենը 12.2 ժամ: Համեմատության համար նշենք, որ ըստ այս չափանիշի առաջին հորիզոնականներում են Ֆրանսիան (16.4 ժամ), Իսպանիան (15.9 ժամ), Դանիան (15.9 ժամ), Բելգիան (15.8 ժամ):

Սույն զեկույցի շրջանակներում միակ ոլորտը, որտեղ Թուրքիան բարձր ցուցանիշներ է արձանագրել, քաղաքացիական իրավունքների իրացումն է: Այս առումով ամենաակնառու գործոնը ընտրություններին քաղաքացիների մասնակցությունն է (85 տոկոս):

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։