Ցեղասպանություն07:35, 03 Հունիս 2016
Թուրքիայի արտահանողների միության նախագահ. «Թուրքիան Բունդեսթագից սովորելու ոչինչ չունի»
Թուրքիայի արտահանողների միության նախագահ Մեհմեթ Բույուքէքշին գրավոր հայտարարություն է տարածել Բունդեսթագի կողմից Հայոց ցեղասպանության ճանաչման կապակցությամբ:
Թուրքական «İhlas» լրատվական գործակալության տեղեկացմամբ՝ Բույուքէքշին շեշտել է, որ Գերմանիան կարևոր տեղ է զբաղեցնում Թուրքիայի արտաքին առևտրական հարաբերություններում, բայց միևնույն ժամանակ, երկու երկրների հարաբերությունները չեն սահմանափակվում միայն առևտրի ոլորտով. դրանք բազմապրոֆիլ են և բազմամյա պատմություն ունեն:
Հիշեցնելով, որ Թուրքիայում նաև հայկական ծագմամբ քաղաքացիներ են բնակվում, թուրք գործիչը գրում է. «Մենք հայկական արմատներ ունեցող բազմաթիվ արտահանողներ, ներդրողներ ունենք: Մեծ զարմանքով ու ցավով տեղեկացանք, որ չնայած այս ամուր հարաբերություններին՝ Գերմանիայի դաշնային խորհրդարանը 1915թ. դեպքերի վերաբերյալ բանաձև է ընդունել: Մենք անգամ չէինք կարող ենթադրել, որ նմանատիպ որոշում կարող է կայացվել Գերմանիայի պես երկրի խորհրդարանում»:
Բույուքէքշին կարծիք է հայտնել, թե Գերմանիայի կողմից «պատմական թեմայի քաղաքականացումը» մի սխալ է, որը չի կարող արտացոլել ոչ եվրոպական արժեքները, ոչ էլ ընդհանրապես որևէ արժեք:
«Անընդունելի է, որ առանց Թուրքիայի պատմության վերաբերյալ որևէ տեղեկություն ունենալու Գերմանիայի պատգամավորները որոշում են կայացնում: Կարծում ենք, որ նմանատիպ պատմական խնդիրները կարող են քննարկվել միայն երկխոսության և օբյեկտիվ ու արդար մոտեցումների շրջանակներում: Թուրքիան Գերմանիայի խորհրդարանից սովորելու ոչինչ չունի»:
Այս ենթաբաժնի վերջին նորությունները
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Ամերիկյան «Global Firepower» կայքը կազմել է2024-ի աշխարհի ամենահզոր ռազմական նավատորմեր ունեցող երկրների ցանկը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |