Ցեղասպանություն07:51, 08 Հունիս 2016
Գերմանիայի թուրք նախարարը` ցեղասպանության բանաձևի մասին. «Մենք մեր տեսակետն ենք հայտնել»
Գերմանիայի միգրացիայի և ինտեգրման հարցերով թուրք նախարար Այդան Օզողուզը գերմանական «Deutsche Welle» պարբերականի թուրքական ծառայությանը տված հարցազրույցում խոսել է Հայոց ցեղասպանության ճանաչման և Թուրքիայի ու Եվրամիության միջև տորագրված Միգրացիոն համաձայնագրի հնարավոր առկախման մասին:
Լրագրողի այն դիտարկմանը, թե Գերմանիայում ապրող թուրքերի մի մասը այդ երկրի քաղաքացիություն չունենալու պատճառով չի կարողանում ուղղակիորեն մասնակցել քաղաքական կյանքին` հույսը դնելով է թուրք պատգամավորների վրա, սակայն նախորդ շաբաթ տեղի ունեցած քվեարկությունից հետո նրանք հիասթափություն ապրեցին, Օզողուզը պատասխանել է. «Ըստ իս` մենք, որպես պատգամավոր, արտահայտել ենք մեր տեսակետները: Ոմանք չմասնակցեցին քվեարկությանը, ոմանք էլ նույնիսկ ելույթ չունեցան: Հասկանում ենք, որ թուրքերի համար սա զգացմունքային հարց է, բայց չի կարելի սպասել, որ բոլոր պետք է պաշտպանեն նույն տեսակետը: Այս թեման ընդունվել է երկարատև ուսումնասիրությունների և քննարկումների արդյունքում: Կարող եք այլ կերպ մտածել, կարող եք քննադատել, սակայն ճիշտ չէ սպառնալ և վիրավորել հակառակը մտածողներին»:
Թերթի լրագրողը Օղուզոզից հարցրել է նաև, թե վերջինս ինչպես է գնահատում Թուրքիայի ռեակցիան և այդ համատեքստում ինչպես կդասավորվի Միգրացիոն համաձայնագրի հետագա ճակատագիրը:
Օղուզօզն ասել է, որ Գերմանիան նախկինի պես է վերաբերվում այդ համաձայնագրին, սակայն այժմ դժվար է ասել, թե Թուրքիան ինչ է պատրաստվում անել իր վրա վերցրած պարտավորությունների մասով` ավելացնելով, որ այս հարցում առայժմ սպասողական վիճակ է:
Իսկ այն հարցին, թե արդյոք Գերմանիան կարող է այլընտրանքային տարբերակներ գտնել Թւրքիայի հետ Միգրացիոն համաձայնագրի չեղարկման դեպքում, Օզողուզը պատասխանել է, որ Գերմանիան ցանկանում է հավատարիմ մնալ Թուրքիայի հետ ստորագրած համաձայնագրին, սակայն այլ զարգացումների դեպքում այլընտրանքները չի բացառում:
Այս ենթաբաժնի վերջին նորությունները
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Ամերիկյան «Global Firepower» կայքը կազմել է2024-ի աշխարհի ամենահզոր ռազմական նավատորմեր ունեցող երկրների ցանկը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |