Էրդողանի խոսնակը Բունդեսթագի որոշումն անվանել է գերմանաբնակ թուրքերին ուղղված «վատ ուղերձ»

Ցեղասպանություն13:59, 08 Հունիս 2016

Էրդողանի խոսնակը Բունդեսթագի որոշումն անվանել է գերմանաբնակ թուրքերին ուղղված «վատ ուղերձ»

Թուրքիայի նախագահ Ռեջեփ Թայիփ Էրդողանի մամուլի խոսնակ Իբրահիմ Քալընը հանդիպել է լրագրողների հետ և օրակարգային թեմաների վերաբերյալ կարևոր հայտարարություններ արել:

Քալընն անդրադարձել է նաև Գերմանիայի խորհրդարանի կողմից Հայոց ցեղասպանության ճանաչման օրինագծի ընդունմանը: Թուրքական «Haberturk» լրատվական կայքի տեղեկացմամբ՝ Քալընը Բունդեսթագի որոշումը անվանել է «քաղաքական անպատասխանատվության օրինակ» և նշել, որ Թուրքիան այդ որոշումը չի ճանաչում:

«Որոշ պատգամավորների տգիտությունը տեսանք: Մտածելու տեղիք է տալիս այն, որ նրանք հեռու են պատմական փաստերից և ամբողջովին թշնամական դիրքորոշում ունեն»,-ասել է Քալընը՝ ընդգծելով, թե իբր Թուրքիայի պատմության մեջ չկա որևէ դրվագ, որի հետ չեն կարող առերեսվել:

Բունդեսթագի որոշումը գերմանաբնակ 3 միլիոն թուրքերին ուղղված «վատ ուղերձ» անվանելով՝ Քալընը հայտնել է, որ իրենք շարունակելու են անհրաժեշտ քայլեր ձեռնարկել և տալ անհրաժեշտ արձագանքներ:

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։