Մեջլիսի հայ պատգամավորը դատի է տվել թուրք ազգայնականներին հայատյաց արտահայտությունների համար

Իրավական07:59, 23 Հունիս 2016

Մեջլիսի հայ պատգամավորը դատի է տվել թուրք ազգայնականներին հայատյաց արտահայտությունների համար

Թուրքիայի խորհրդարանական ընդդիմադիր ուժերից «Ժողովուրդների դեմոկրատական» կուսակցության (ԺԴԿ-HDP) հայ պատգամավոր Գարո Փայլանը դիմել է դատարան: Նա դատական հայց է ներկայացրել ուլտրաազգայնական «Ուլքու օջաքլար» կազմակերպության անդամների դեմ, որոնք հրապարակայնորեն հնչեցրել են հայատյաց արտահայություններ: Ի դեպ, «Ուլքու օջաքլար»-ը հայտնի է «Գորշ գայլերի» հետ ունեցած սերտ կապերով:

Ինչպես հաղորդում է թուրքական «Wanhaber» լրատվական կայքը, վերոհիշյալ կազմակերպության անդամները Ստամբուլում գերմանական հյուպատոսարանի առաջ կազմակերպված բողոքի ցույց ժամանակ վանկարկել են հետևյալ լոզունգը՝ «Ամենալավ հայը, մեռած հայն է»:

Բողոքի ակցիան «Ուլքու օջաքլար»-ի անդամները կազմակերպել էին այն բանից հետո, երբ Գերմանիայի Բունթեսթագը (խորհրդարան) ընդունել էր Հայոց ցեղասպանությունը ճանաչող և դատապարտող օրինագիծ: Ակցիայի մասնակիցները ծածանել էին Թուրքիայի և Ադրբեջանի դրոշները:

Ըստ Փայլանի` բողոքի ցույցի ժամանակ հայատյաց բովանդակությամբ մի շարք այլ արտահայտություններ ևս հնչեցվել են, որոնք պարունակել են բացահայտ սպառնալիքներ՝ ուղղված հայ ժողովրդին:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։