Միջազգային13:22, 27 Հունիս 2016
Չավուշօղլուն մեկնաբանել է Իսրայելի հետ հարաբերությունների կարգավորման լուրերը
Թուրքիայի արտգործնախարար Մևլութ Չավուշօղլուն Անթալիայում մասնակցած բարեգործական ընթրիքին (իֆթար) ունեցած ելույթի ժամանակ անդրադարձել է Իսրայելի հետ հարաբերությունների կարգավորմանը միտված բանակցություններին:
Ըստ թուրքական «Haberler.com» լրատվական կայքի` Չավուշօղլուն հայտարարել է, թուրքական կողմը հետևողական է հարաբերությունները կարգավորելու համար առաջադրած 2 նախապայմանների կատարմանը:
Դրանցից 1-ինը 2010-ի մայիսին իսրայելական իսրայելական զինվորների հարձակման հետևանքով թուրքական «Մավի Մարմարա» նավի անձնակազմի 9 զոհված անդամների ընտանիքներին Իսրայելի կողմից փոխհատուցման տրամադրումն է:
Թուրք նախարարի խոսքով իրենց 2-րդ պահանջը այն է, որ Իսրայելը դադարեցնի Գազայի նկատմամբ կիրառող էմբարգոն:
«Եթե Թուրքիայի առաջադրած պայմանները չկատարվեն, հարաբերությունների կարգավորում չի լինի»,- հայտարարել է Չավուշօղլուն:
Վերջինիս խոսքով էմբարգոյի վերացումից հետո իրենք շարունակելու են մեծ թափով հումանիտար օգնություն հասցնել իրենց պաղեստինցի եղբայրներին:
Հիշեցնենք, որ Թուրքիայի և Իսրայելի հարաբերությունները սրվել էին «Մավի Մարմարա» նավի միջադեպից հետո: Իսրայելցի զինվորները 2010 թ-ի մայիսի 31-ին հարձակվել էին թուրքական «Մավի Մարմարա» նավի վրա, որը միջազգային մարդասիրական նավաշարասյան կազմում օգնություն էր փոխադրում Պաղեստինի Գազայի հատված: Թել Ավիվը պահանջել էր նավի վրա բեռների ստուգում անցկացնել: Երբ նավի անձնակազմը հրաժարվել էր ենթարկվել պահանջին, իսրայելցի զինվորների հարձակման էին անցել: Հարձակման հետևանքով զոհվել էր Թուրքիայի 9 քաղաքացի:
Այս ենթաբաժնի վերջին նորությունները
Պաշտոնական Անկարան դա որակել է որպես անընդունելի զարգացում։
Այդ մասին հայտնել է Թուրքիայի արևտրի նախարարը՝ նշելով, որ իսլամական երկրների հետ Թուրքիայի առևտրի մասնաբաժինը 2023-ին կազմել է 26%։
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |