Թուրքական ԶԼՄ-ները հիշել են ASALA-ի հարձակումը Անկարայի Էսենբողա օդանավակայանի վրա

Հասարակական08:31, 29 Հունիս 2016

Թուրքական ԶԼՄ-ները հիշել են ASALA-ի հարձակումը Անկարայի Էսենբողա օդանավակայանի վրա

Թուրքիայի օդանավակայաններում վերջին 34 տարվա ընթացքում 3 ահաբեկչություն է իրականացվել: Այս մասին հայտնում է թուրքական «Doğan» լրատվական գործակալությունը, որի հրապարակած նյութը լայնորեն տարածվել է այնպիսի թուրքական առաջատար լրատվամիջոցների կողմից, ինչպիսիք են Hurriyet-ը, Cumhuriyet-ը, Yeni Safak-ը, Haberler-ը:

Նշվում է, որ

առաջին հարձակումը եղել է 34 տարի առաջ՝ 1982 թվականի օգոստոսի 7-ին, Անկարայի Էսենբողա օդանավակայանում:

Երկրորդ հարձակումն իրականացվել է 2015 թվականին Ստամբուլի Սաբիհա Գյոքչեի անվան օդանավակայանում:

Երրորդը Ստամբուլի Աթաթուրքի անվան միջազգային օդանավակայանում նախօրեին տեղի ունեցած ահաբեկչական հարձակումն է:

Լրատվամիջոցը հիշեցնում է, որ Էսոնբողայի օդանավակայանի վրա հարձակում գործած անձինք եղել են «Հայաստանի ազատագրության հայ գաղտնի բանակի» (ASALA) անդամներ Զոհրաբ Սարգսյանը և Լևոն Էքմեքչյանը, որոնք ներկայացվում են իբրև ահաբեկչներ: Այդ ժամանակ թուրք ուժայինների իրականացրած օպերացիայի ընթացքում սպանվում է 9 մարդ:

Պետք է նշել, որ թուրքական պատմագրությունն ու լրատվությունը խեղաթյուրված են ներկայացրել Էսենբողա օդանավակայանում տեղի ունեցած դեպքերը: ASALA-ի «Կարին» ռազմական գործողության իրական նպատակը եղել է Թուրքիայի այն ժամանակվա վարչապետի սպանությունը, որի ինքնաթիռը պիտի վայրէջք կատարեր Էսենբողա օդանավակայանում, բայց վերջին պահին վարչապետի ինքնաթիռը ուղղությունը փոխել է, իսկ դեպքերը զարգացել են չնախատեսված սցենարով:

Թուրք ոստիկանների հետ 1.5 ժամ տևած փոխհրաձգության արդյունքում Զոհրաբ Սարգսյանը զոհվում է, իսկ Լեւոն Էքմեքչյանը՝ ծանր վիրավոր, արնաքամ վիճակում գերեվարվում: Մեկ ամիս հետո հրավիրվում է ընդամենը 1 դատական նիստ և առանց դատապաշտպանի, առանց պատշաճ թարգմանության Լևոնին մահապատժի ենթարկելու որոշում է կայացվում: 25-ամյա Լևոնը կախաղան է բարձրացվում 1983-ի հունվարի 29-ին:

33 տարի շարունակ Լևոնի գերեզմանը Թուրքիայում չի ունեցել ոչ շիրմաքար, ոչ էլ՝ խաչ: Նրա աճյունը այս տարի Անկարայից Ֆրանսիա է տեղափոխվել:

Լևոն Էքմեքչյանը դատարանում

Իսկ Սաբիհա Գյոքչեի անվան օդանավակայանում տեղի ունեցած հարձակման հետևանքով զոհվել էր 1 մարդ, ևս մեկը ծանր վիրավորվել էր:

Երեկ Ստամբուլի օդանավակայանում տեղի ունեցած պայթյուններից և կրակոցներից սպանվել է 36 մարդ: Ըստ Թուրքիայի վարչապետ Բինալի Յըլդըրըմի՝ ահաբեկչության հետևում կանգնած է «Իսլամական պետություն» ահաբեկչական կազմակերպությունը:Զոհերի թվում կան նաև օտարերկրյա քաղաքացիներ:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։