Միջազգային12:03, 14 Հուլիս 2016
Ինջիրլիքի ռազմաբազայի շուրջ թուրք-գերմանական ճգնաժամը խորանում է
Գերմանիայի պաշտպանության նախարար Ուրսուլա Լեյենը հայտարարել է, որ Գերմանիան հնարավոր է թույլ չտա գերմանական AWACS ինքնաթիռները հետախուզական թռիչքների իրականացնեն Սիրիայի սահմանին: Ինչպես հայտնում է թուրքական «Haberler» լրատվական կայքը, նախարար Վոն դեր Լեյենը նշել է, որ Գերմանիան նման քայլի կգնա, եթե Թուրքիան Գերմանիայի խորհրդարանի (Բունդեսթագ) պատգամավորներին թույլ չտա այցելել Ինջիրլիքի ռազմաբազա:
Լեյենը հիշեցրել է, որ Թուրքիան գերմանացի պատգամավորների այցը ռազմաբազա արգելել է հունիսի 2-ին Բունդեսթագի կողմից Հայոց ցեղասպանությունը ճանաչող բանաձևի ընդունումից հետո: Պաշտպանության նախարարը, Թուրքիայից կրկին պահանջելով ռազմաբազա այցելելու թույլտվություն տրամադրել, նշել է որ AWACS ինքնաթիռների հարցում իրենք սպասում են Թուրքիայի՝ Ինջիրլիք այցելելու թույլտվության որոշմանը:
Հիշեցնենք, որ հունիսի 2-ին դաշնային խորհրդարանի կողմից Հայոց ցեղասպանությունը ճանաչող և դատապարտող բանաձևի գրեթե միաձայն հաստատումից հետո Թուրքիան արգելել էր գերմանացի պատգամավորներին՝ այցելել Ինջիրլիք ռազմաբազայում գտնվող իրենց զինվորներին:
Հարցը քննարկվել էր հուլիսի 8-ից 9-ը Վարշավայում ընթացող ՆԱՏՕ-ի վեհաժողովում Գերմանիայի կանցլեր Անգելա Մերկելի և Թուրքիայի նախագահ Ռեջեփ Թայիփ Էրդողանի երկկողմ հանդիպման ժամանակ: Նշվում է, որ Էրդողանը Բունդեսթագի պատգամավորների ռազմաբազա այցելությունը թույլ տալու դիմաց Մերկելից պահանջել է հրապարակայնորեն հայտարարել, թե Բունդեսթագի կողմից ընդունված Ցեղասպանության բանաձևը չի արտացոլում կառավարության դիրքորոշումը:
Հանդիպումից հետո գերմանական կողմը սկսեց ավելի կոշտ հայտարարություններով հանդես գալ: Մասնավորապես Բունդեսթագի նախագահ Նորբերտ Լամերտը հայտարարել էր, որ Գերմանիան կարող է Ինջիրլիքից դուրս բերել հոգուց բաղկացած իր զինվորներին (240), եթե Անկարան շարունակի փակ պահել ռազմաբազան գերմանացի պատգամավորների առջև: «Պետք է բոլորն իմանան, որ գերմանացի զինվորները Ինջիրլիք-ում երկար չեն մնա, եթե համապատասխան վերաբերմունք չլինի»,-ասել էր Լեմարտը:
Այս ենթաբաժնի վերջին նորությունները
Պաշտոնական Անկարան դա որակել է որպես անընդունելի զարգացում։
Այդ մասին հայտնել է Թուրքիայի արևտրի նախարարը՝ նշելով, որ իսլամական երկրների հետ Թուրքիայի առևտրի մասնաբաժինը 2023-ին կազմել է 26%։
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |