Թուրքիայի պետական բոլոր գերատեսչություններում պաշտոնանկությունների ալիք է սկսվել

Հասարակական07:58, 20 Հուլիս 2016

Թուրքիայի պետական բոլոր գերատեսչություններում պաշտոնանկությունների ալիք է սկսվել

Թուրքիայում հուլիսի 15-ին տեղի ունեցած ռազմական հեղաշրջման անհաջող փորձից հետո երկրի իշխանությունները սկսել են պետական ապարատը Ֆեթուլլահ Գյուլենի համախոհներից զտելու գործընթացը:

Նշենք, որ Թուրքիայի նախագահ Ռեջեփ Թայիփ Էրդողանը հեղաշրջման փորձի մեջ մեղադրել է ամերիկաբնակ թուրք իսլամի քարոզիչ, միլիարդատեր Ֆեթուլլահ Գյուլենին:

Աշխատանքից ազատումներն ընդգրկել են գրեթե բոլոր գերատեսչությունները: Թուրքական «Yeniakit» լրատվական կայքի տեղեկացմամբ` կրթության նախարարությունում աշխատանքից հեռացվել է 15.200 աշխատակից: Նրանց նկատմամբ նաև հետաքննություն է սկսվել: Չեղարկվել է 21 հազար ուսուցչի արտոնագիր: Գերագույն կրթական խորհուրդը 1.577 դեկանից հրաժարական է պահանջել, նրանցից 1176 աշխատում է պետական համալսարաններում: Պաշտոնանկ է արվել «Մելիքշահ» համալսարանի ռոկտորը:

Կառավարության աշխատակազմից հեռացվել է 265 աշխատակից: Թուրքիայի ազգային հետախուզական ծառայությունը աշխատանքից հեռացրել է 150 աշխատակցի:

Կառավարությանը կից կրոնական հարցերով վարչության կենտրոնական, մարզային և արտասահմանյան կառույցներից հեռացվել է 492 հոգի, որոնց թվում են նահանգային 3 մուֆթի, 1 գրասենյակի ղեկավար, խորհրդական: Ընտանիքի և սոցիալական հարցերով նախարարությունից աշխատանքից ազատվել է 393 հոգի: Զարգացման նախարարությունից հեռացվել է 16 հոգի, Էներգետիկայի նախարարությունից՝ 300 հոգի: Խորհրդարանի աշխատակազմի լիազորությունները դադարեցվել են:

Բերման է ենթարկվել 2.327 զինվոր և ոստիկան, 229 դատավոր և դատախազ: Նրանցից 437 հոգու, այդ թվում դատավորներ, դատախազներ, գեներալներ, ծովակալներ, սպաներ, զինվորներ և ոստիկաններ, «զինված ահաբեկչական խմբավորում հիմնելու», «զինված ահաբեկչական խմբավորմանն անդամակցելու» և «հեղաշրջման փորձ անելու» մեղադրանքներով կալանավորվել են:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։