Թուրքիայի խորհրդարանը հաստատեց արտակարգ դրությունը

Իրավական07:52, 22 Հուլիս 2016

Թուրքիայի խորհրդարանը հաստատեց արտակարգ դրությունը

Թուրքիայի խորհրդարանը հաստատել է երկրում եռամսյա արտակարգ դրություն հաստատելու մասին նախագահ Ռեջեփ Թայիփ Էրդողանի որոշումը: Այն ուժի մեջ է մտնում հուլիսի 21-ից սկսած:

Թուրքական «Milliyet» թերթի կայքի տեղեկացմամբ՝ օրինագծին կողմ է քվեարկել 346 պատգամավոր, դեմ՝ 115-ը: Կողմ են քվեարկել իշխող «Արդարություն և զարգացում» կուսակցության (AKP-ԱԶԿ) և «Գորշ գայլեր»-ի քաղաքական թևը համարվող ընդդիմադիր «Ազգայնական շարժում կուսակցության» (MHP-ԱՇԿ) պատգամավորները:

Իսկ երկրի գլխավոր ընդիմադիր ուժը՝ «Ժողովրդահանրապետական» (CHP-ԺՀԿ) կուսակցությունը և քրդամետ «Ժողովուրդների դեմոկրատական» կուսակցության (HDP-ԺԴԿ) պատգամավորները դեմ են քվեարկել:

Նախօրեին օրինագծի վերաբերյալ CHP-ի դռնփակ քննարկումից հետո կուսկացության առաջնորդ Քեմալ Քըլըչդարօղլուն հայտարարել էր, որ իր ղեկավարած կուսակցությունը գործում է հանուն ժողովրդավարության, մինչդեռ MHP-ի ղեկավար Դևլեթ Բահչելին արտակարգ դրություն սահմանելու որոշումը դրական էր գնահատել:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։