Տարածաշրջան09:40, 23 Հուլիս 2016
Արտակարգ դրության շրջանակներում Թուրքիայում մեծաթիվ հաստատություններ են փակվել
Հուլիսի 20-ին Թուրքիայում հայտարարված եռամսյա արտակարգ դրության շրջանակներում հրապարակված 1-ին հրամանգրից հայտնի է դարձել այն կազմակերպությունների անունները, որոնց նկատմամբ փակելու որոշում է կայացվել ու իրականացվել:
Ըստ թուրքական «Mynet.com» լրատվական կայքի` փակվել է 35 առողջապահական հաստատություն, 934 դպրոց, 109 ուսանողական հանրակացարան, 104 հիմնադրամ, 1025 միություն, 15 համալսարան և 19 արհմիություն: Նշենք, որ բոլոր այս կազմակերպությունների անունները այս կամ այն կերպ կապվում են նախագահ Ռեջեփ Թայիփ Էրդողանի քաղաքական հակառակորդ, իսլամական հայտնի քարոզիչ ԱՄՆ-ում բնակվող Ֆեթուլլահ Գյուլենի հետ, ով թուրքական իշխանությունների կողմիցմեղադրվում է հուլիսի 15-ին Թուրքիայում անհաջող հեղաշրջման փորձը նախաձեռնելու մեջ:
Փակված հիմնադրամների թվում են «Լրագրողների և գրողների հիմնադրամը», «Թուրգութ Օզալի անվան մտածողության և գործողությունների հիմնադրամը», «Թուրքիա-Չինաստան բարեկամություն հիմնադրամը», «Ռուս-թուրքական մշակութային հիմնադրամը» և այլն:
Փակված համալսարանները գտնվում են Թուրքիայի մի քան իխոշոր քաղաքներում` Ստամբուլ, Անկարա, Բուրսա, Իզմիր, Դիարբեքիր, Ադանա, Այնթապ (Գազիանթեփ), Սամսուն:
Նշվում է, որ արդեն իսկ փակված 800-ից ավել դպրոցներում, որոնք հիմնականում մասնավոր էին, սովորում են 138 հազարից ավելի աշակերտներ: Այս աշակերտների հետագա ճակատագրի վերաբերյալ պարզաբանումներ է տվել Թուրքիայի կրթության նախարարի առաջին տեղակալ Յուսուֆ Թեքինը, ով տեղեկացրել է, որ աշակերտները կարող են տեղավորվել նախարարության ենթակայության տակ գտնվող պետական դպրոցներում:
Հիշեցնենք, որ հուլիսի 15-ին Թուրքիայում նախաձեռնված պետական հեղաշրջման ձախողված փորձի շրջանակներում հուլիսի 20-ի երեկոյան երկրում 3 ամիս ժամկետով արտակարգ դրություն հայտարարվեց: Ըստ պաշտոնական տվյալների՝ զինված գործողության հետևանքով սպանվել է 246, վիրավորվել՝ 1.536 մարդ:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |