Հասարակական07:54, 26 Հուլիս 2016
Հայերը, քրդերը, ալևիները և ասորիները տեղ չունեն Թուրքիայի նոր գործընթացներում
Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) խորհրդարանական խմբակցության փոխնախագահ Իդրիս Բալուքենը հայտարարել է, որ Թուրքիայում փոքրամասնություններին հասկացնում են, թե նրանք նոր գործընթացներում տեղ չունեն:
Այս մասին Բալուքենն ասել է «Օրակարգային քննարկումներ» հաղորդման եթերում, երբ մեկնաբանել է նախագահ Ռեջեփ Թայիփ Էրդողանի և 3 կուսակցությունների ղեկավարների հետ տեղի ունեցած հանդիպումը: Էրդողանը նախագահական նստավայրում հուլիսի 25-ին ընդունել էր վարչապետ Բինալի Յըլդըրըմին (իշխող «Արդարություն և զարգացում» կուսակցության նախագահ), Քեմալ Քըլըչդարօղլուին (գլխավոր ընդդիմադիր «Ժողովրդահանրապետական կուսակցության» նախագահ) և Դևլեթ Բահչելիին («Ազգայնական շարժում կուսակցության» նախագահ):
Ըստ Բալուքենի՝ այն փաստը, որ վերոնշյալ հանդիպմանը հրավիրված չի եղել ընդդիմադիր ճամբարից քրդամետ «Ժողովուրդների դեմոկրատական» (ԺԴԿ-HDP) կուսակցությունը, դրանով ուղերձ է հղվել քրդերին, ալևիներին, հայերին և ասորիներին՝ նրանց հասկացնելով, որ նրանք տեղ չունեն Թուրքիայի նոր գործընթացներում:
ԺԴԿ-ի խորհրդարանական խմբակցության փոխնախագահն ընդգծել է, որ ԺԴԿ-ին չհրավիրելու հարցում միակ պատասխանատուն Էրդողանը չէ, քանի որ այդ գործընթացին հավանություն են տվել նաև հանդիպմանը մասնակցած կուսակցությունների առաջնորդները:
Այս ենթաբաժնի վերջին նորությունները
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Հրապարակվել է հոդված Հայաստանի տեխնոլոգիական ոլորտի զարգացման մասին։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
«Ես քաղաքական հավակնություններ չունեմ: Ինձ հաճախ են հարցնում այս մասին, բայց ես կցանկանայի մնալ ոչ կառավարական հատվածում»։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |