Թուրքիան պահանջել է դատապարտել կոսովացի լրագրողին հեղաշրջման փորձի վերաբերյալ գրառման համար

Իրավական12:27, 27 Հուլիս 2016

Թուրքիան պահանջել է դատապարտել կոսովացի լրագրողին հեղաշրջման փորձի վերաբերյալ գրառման համար

Թուրքիան պահանջել է իրավական գործընթաց սկսել կոսովացի լրագրող Բերաթ Բուզհալայի դեմ, ով «Facebook» սոցիալական ցանցում ծաղրական գրառում էր կատարել Թուրքիայում հուլիսի 15-ին իրականացված ռազմական հեղաշրջման փորձի վերաբերյալ: Ըստ թուրքական «Diken.com.tr» ընդդիմադիր լրատվական կայքի` Բուզհալան երգիծական գրառման մեջ Թուրքիայում հանգստացող Կոսովոյի քաղաքացիներին կոչ էր արել օգնության շտապել բանակին:

Դրանից հետո Կոսովոյում Թուրքիայի դեսպանատունը դիմել է այդ երկրի կառավարությանը` պահանջելով դատական պատասխանատվության ենթարկել Բուզհալային: Դեսպանության գրության մեջ հատուկ շեշտվել է, որ համաձայն Կոսովոյի օրենսդրության` նմանատիպ հայտարարություններ անողները կարող են պատժվել 6 ամսից մինչև 5 տարի ազատազրկմամբ:

Աղբյուրը տեղեկացնում է նաև, որ Կոսովոյի արտաքին գործերի նախարարությունը հարցի առնչությամբ դեռևս դիրքորոշում չի արտահայտել:

Թուրքիայի դեսպանատան գրությանն արձագանքել է Բուզհալան` ասելով, որ մի երգիծական գրառման վերաբերյալ այլ պետության կողմից նման պահանջ ներկայացնելը որևէ տրամաբանության մեջ չի տեղավորվում: «Դա ցույց է տալիս Թուրքիայի հանդգնությունը փոքր երկրների նկատմամբ:»

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։