Թուրքիայում շարունակվում է գյուլենականների «որսը»

Իրավական07:25, 29 Հուլիս 2016

Թուրքիայում շարունակվում է գյուլենականների «որսը»

Թուրքիայում շարունակվում են ձերբակալությունները, որոնք սկսվել էին հուլիսի 15-ին կատարված ռազմական հեղաշրջման փորձից հետո: Ձերբակալությունների ալիքն արդեն հասել է գործարար շրջանակներին:

Թուրքական «Hurriyet» թեթրի կայքը հայտնում է, որ «Ֆեթուլլահի ահաբեկչական կազմակերպության» (թուրքական մամուլը իսլամի հայտնի քարոզիչ, ամերիկաբնակ թուրք միլիարդատեր Ֆեթուլլահ Գյուլենի ստեղծած գյուլենական շարժումն այսպես է անվանում) գործով հետաքննության շրջանակներում ձերբակալվել է Կայսերիի արդյունաբերական պալատի նախագահ և «Boydak Holding» ընկերության գործադիր խորհրդի նախագահ Մուստաֆա Բոյդակը: Նա մեղադրվում է Գյուլենական համայնքի անդամ լինելու և համայնքին ֆինանսավորելու մեջ: Բացի նրանից ձերբակալվել են Բոյդակ ընտանիքի ևս 5 անդամ, որոնց թվում են Մուստաֆա Բոյդակի կինը՝ Այշե Բոյդակը, «Boydak Holding»-ի գործադիր խորհդի ադամ Շյուքրյու Բոյդակը և կազմակերպության տնօրեններից՝ Հալիթ Բոյդակը: Հետախուզվում են ընտանիքի ևս 3 անդամ:

«Boydak Holding»-ը հիմնադրվել է 1957 թվականին: Նրան են պատկանում 41 ընկերություններ 8 տարբեր ոլորտներում: «Boydak Holding»-ի արտադրանք արտահանվում է շուրջ 140 երկիր, իսկ աշխատողների թիվը հասնում է մոտ 14 հազարի: Այն, ըստ Ստամբուլի արդյունաբերական պալատի տվյալների՝ Թուրքիայի ամենամեծ արդյունաբերական կազմակերպությունների ցանկում զբաղեցնում է 7-րդ տեղը:

Նշենք, որ հուլիսի 15-ին Թուրքիայում ռազմական հեղաշրջման փորձ էր կատարվել: Թուրքիայի նախագահ Ռեջեփ Թայիփ Էրդողանը հեղաշրջման անհաջող փորձից հետո հայտարարել է, որ դրա հետևում կանգնած է Ֆեթուլլահ Գուլենը և նրա ղեկավարած շարժումը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։