Թուրքիան նպատակ ունի մինչև 2023թ. անդամագրվել ԵՄ-ին

Միջազգային12:15, 19 Օգոստոս 2016

Թուրքիան նպատակ ունի մինչև 2023թ. անդամագրվել ԵՄ-ին

Եվրամիությունում (ԵՄ) Թուրքիայի դեսպան Սելիմ Յենելը հայտարարել է, որ Թուրքիան նպատակ ունի մինչև 2023 թվականը դառնալ ԵՄ-ի անդամ:

Ի դեպ 2023թ. լրանալու է Թուրքիայի Հանրապետության հիմնադրման 100-ամյակը:

Ըստ գերմանական «Deutsche Welle» լրատվական կայքի թուրքական ծառայության` այս մասին Յենելը խոսել է գերմանական «Die Welt» թերթին տված հարցազրույցում:

Նշելով, որ ԵՄ-ի լիիրավ անդամ դառնալու համար Թուրքիան շարունակում է ջանքեր գործադրել, Յենելն ասել է.

«Մեզ համար անընդունելի է երկարաժամկետ հեռանկարում չլինել ԵՄ-ի անդամ: ԵՄ-ի անդամ լինելը մեզ համար շատ կարևոր է»:

Անդրադառնալով ԵՄ-ի կողմից Թուրքիայի քաղաքացիների համար վիզաների ազատակացման վերաբերյալ հարցին , Յենելը ասել է.

«Մենք կասկածներ ունենք, որ եթե նույնիսկ Թուրքիան կատարի անհրաժեշտ 72 պայմանները, ԵՄ-ն դրանից հետո թուրքերի համար չի ազատականացնի վիզաները»:

Նրա խոսքերով` Թուրքիան և ԵՄ-ն նախկինի նման այս տարվա հոկտեմբերից սկսած կարող են իրականացնել վիզային համակարգի ազատականացում:

Աղբյուր` Ermenihaber.am

Այս ենթաբաժնի վերջին նորությունները

13:48, 02 մայ

Լեհաստանի փոխարտգործնախարար. «Թուրքիայի տեղը ԵՄ-ում պարզ կդառնա առաջիկայում»

Այս մասին հայտարարել է Աննա Ռադվանը Թուրքիայում ԵՄ պատվիրակության և Անկարայում Լեհաստանի դեսպանատան կողմից Վարշավայում րատվամիջոցների համար կազմակերպված շրջայցի ժամանակ։

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: