Ստամբուլում դերսիմցի 10 հայ է մկրտվել

Հասարակական13:45, 19 Օգոստոս 2016

Ստամբուլում դերսիմցի 10 հայ է մկրտվել

Թուրքիայում տարատեսակ բռնաճնշումների հետևանքով իսլամացված հայերը շարունակում են իրենց ինքնությանը վերադառնալու համար պայքար մղել: Այս մասին գրում է «Ակօս» շաբաթաթերթը՝ հավելելով, որ օրօրի ավելանում է անհրաժեշտ կրոնական կրթությունը ստանալուց հետո այդ ինքնությանը վերադարձողների թիվը:

Խմբակային մկրտության վերջին դեպքը տեղի է ունեցել օգոստոսի 14-ին: 10 դերսիմցի հայեր մկրտվել են Ստամբուլի Սուրբ Ստեփանոս եկեղեցում: Նրանց կնքահայրերն են դարձել հայտնի պոլսահայ լրագրող Բագրատ Էրստուկյանը, Հակոբ Բալը, Սերքան Չոլաքը և Սեպուհ Քոչաքը: Մկրտություն ժամանակ նրանց տրվել են հայկական անուններ՝ Շնորհք, Լուսին, Թովմաս, Մարալ, Մարիամ, Նվարդ, Միհրան, Արիս, Մանուկ և Մասիս:

Նվարդ Գյոքթաշը, մկրտությունից հետո հայնտել է, որ Թուրքիայում դժվար է խոսել հայկական ինքնության մասին, սակայն այսուհետև ցանկանում է ապրել իր կրոնով և մշակույթով: Իսկ նրա դուստրը՝ 19-ամյա Լուսինը, որը իմանալով հանդերձ իր հայկական ինքնության մասին, այդ մասին երբեք չի բարձրաձայնել, նշել է, որ այսօրվանից հետո իրեն ավելի շատ է հայ զգալու:

Մասիս և Մարալ զույգը, որ մկրտությունից հետո նաև պսակադրվել է եկեղեցում, նշել է, որ իրենք պայքարել են, որպեսզի չկրկնեն իրենց մեծերի սխալները և թույլ չտան, որ իրենց երեխաները մոռանան իրենց հայկական ինքնությունը:

Շնորհք և Մարիամ զույգը մկրտությունից հետո նշել է, որ այլևս ոչ թե թաքնվելու, այլ պայքարելու ժամանակն է:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։