Պոլսահայ հայտնի լրագրողը ևս հայտնվել է ադրբեջանի «սև ցուցակում»

Իրավական10:26, 19 Օգոստոս 2016

Պոլսահայ հայտնի լրագրողը ևս հայտնվել է ադրբեջանի «սև ցուցակում»

Թուրքիայում բնակվող հայտնի հայ լրագրող Արիս Նալջըն ընդգրկվել է Ադրբեջանի արտգործնախարարության կողմից կազմված անցանկալի մարդկանց ցուցակում:

Ըստ հայկական «Agos» թերթի կայքի` այդ մասին էլեկտրոնային փոստին ուղարկած նամակով լրագրողին տեղեկացրել է Ադրբեջանի արտգործնախարարությունը: Ադրբեջանական գերատեսչությունը որպես «հիմնավորում» ներկայացրել է 2014-ին թուրքական «T24.com.tr» կայքում Արցախի մասին հրապարակած հոդվածը, որի պատրաստման համար Նալջըն այցելել էր Ստեփանակերտ ու հարցազրույց վերցրել տեղի պաշտոնյաներից: Ադրբեջանի արտգործնախարարության կազմած «սև ցուցակում» ընդգրկվում են բոլոր այն օտարերկրացիները, որոնք առանց Բաքվի «թույլտվությունը» ստանալու այցելում են Լեռնային Ղարաբաղ:

Նշվում է, որ 591 հոգանոց անցանկալի մարդկանց ցուցակում Թուրքիայից այս պահին ընդգրկված է նաև թուրք գիտնական Էզգիսու Բիբերը:

Նշվում է, որ Ադրբեջանի իշխանությունները «սև ցուցակն» օգտգործում են նաև ներքին ընդդիմադիրներից ազատվելու համար: Այդպիսի օրինակ է Ադրբեջանցի հայտնի լրագրող Հաթիջե Իսմաիլովային Ադրբեջանում անցանկալի մասրդ հայտարարելն ու երկիրր նրա մուտքի արգելումն այն դեպքում, երբ Իսմաիլովան մինչ այդ երբեք չէր եղել Արցախում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։