Քաղաքական10:17, 01 Սեպտեմբեր 2016
Չավուշօղլու. «Այս պահին ԱՄՆ-ի և Թուրքիայի միջև շատ լուրջ խնդիր կա»
Թուրքիայի արտգործնախարար Մևլութ Չավուշօղլուն հայտարարել է, որ Ֆեթուլլահ Գյուլենին դեռևս չարտահանձնելը ԱՄՆ-ի հետ հարաբերություններում լուրջ խնդիր է առաջացնում` ավելացնելով, որ ԱՄՆ-ի նկատմամբ եղած վստահությունը ամբողջությամբ կչեզոքանա, եթե Սիրիայի քրդերը հետ չանցնեն Եփրատ գետի արևելյան ափ:
Չավուշօղլուն Հյուսիսային Կիպրոսի ինքնահռչակ հանրապետություն մեկնելուց առաջ «Milliyet» թերթին տված հարցազրույցում մասնավորապես աել է. «Մենք սկզբից էլ դեմ էինք, որ YPG-ն (Սիրիայի քրդերի զինված ուժերը հանդիսացող «Ժողովրդի պաշտպանության ուժեր» անվանումով ջոկատներ (YPG-ԺՊՈւ)-խմբ.) մասնակցեր Մանբիջի օպերացիային: Սակայն ամերիկացիներն ասացին, որ լոգիստիկ տեսանկյունից կարևոր է գոնե քիչ թվով YPG-ականների մասնակցությունը, բայց պարոն Օբաման խոստացավ, որ գործողությունն ավարտվելուց հետո YPG-ն հետ կանցնի Եփրատի արևելյան ափ, սակայն մինչ այժմ չեն անցել»:
Չավուշօղլուի խոսքով Սիրիայի քրդերի զինված ուժերը հետ չեն քաշվել Եփրատի արևելյան ափ` չնայած ԱՄՆ պետքարտուղար Ջոն Քերիի և փոխնախագահ Ջո Բայդենի հավաստիացումներին:
«Մենք էլ ասել ենք, որ հետ չնահանջելու դեպքում կհարվածենք (քրդերին): ԱՄՆ-ն մեզանից ժամանակ է ուզել: Եթե այդ ժամանակահատվածում էլ չհեռանան, կնշանակի, որ Վաշինգտոնը չի կատարում խոստումը: Այդ ժամանակ ԱՄՆ-ի հանդեպ ունեցած մեր վստահություն ամբողջապես կկորցնենք»: Թուրք նախարարն ավելացրել է նաև, որ այս պահին թուրք ժողովրդի մոտ ԱՄՆ-ի հանդեպ ունեցած վստահությունն ամենացածր մակարդակում է գտնվում:
Հիշեցնենք, որ սիրիական սահմանային Ջարաբլուս քաղաքը ԻՊ ահաբեկիչներից մաքրելուն ուղղված օպերացիայի շրջանակներում օգոստոսի 24-ին Թուրքիայի զինված ուժերի լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ: Ջարաբլուսի վերահսկողությունն արդեն իրենց ձեռքը վերցրած սիրիական զինված ընդդիմությունը Թուրքիայի համակողմանի աջակցությամբ շարժվում է դեպի Մանբիջ քաղաք, որը Սիրիայի քրդերը վերջին շրջանում կարողացել էին գրավել ԻՊ զինյալներից: Թուրքիան ցանկանում է վերջնարդյունքում Մանբիջում գտնվող և ԻՊ-ի դեմ պայքարում ԱՄՆ-ի աջակցությունը վայելող քրդական ուժերին ստիպել հետ նահանջել Եփրատի արևելյան ափ:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |