Սև ծովում ռուսական և թուրքական ռազմական ուժերի հարաբերակցությունը փոխվել է

Միջազգային13:46, 14 Սեպտեմբեր 2016

Սև ծովում ռուսական և թուրքական ռազմական ուժերի հարաբերակցությունը փոխվել է

Ռուսաստանի ԶՈՒ գլխավոր շտաբի պետ Վալերի Գերասիմովը խոսել է Սև ծովում ռուսական նավատորմի և թուրքական ծովային ռազմական ուժերի հզորության մասին:

Թուրքական «Hürriyet» թերթի կայքի տեղեկացմամբ՝ Գերասիմովը նշել է, որ վերջին տարիներին ռուսական և թուրքական ուժերի միջև հարաբերակցությունը լրջորեն փոփոխվել է:

Ռուսաստանի հարվային ռազմական շրջանում տեղի ունեցած «Կովկաս 2016» զորավարժությունների արդյունքներն ամփոփելիս ՌԴ ԶՈՒ գլխավոր շտաբի պետը մասնավորապես ասել է.

«Սրանից մի քանի տարի առաջ Սև ծովում ռուսական նավատորմի ներուժը կտրուկ տարբերվում էր թուրքական ռազմածովային ուժերից: Այն ժամանակ ասվում էր, որ Թուրքիան գրեթե Սև ծովի տիրակալն է: Հիմա արդեն շատ բան է փոխվել»:

Գերասիմովը նշել է, որ ռուսական նավատորմը հզորացվել է՝ համալրվելով այնպիսի նորագույն հնարավորություններով, ինչպիսիք են իրենց վրա «Կալիբր» տեսակի թևավոր հրթիռներ կրող սուզանավերը: Արդյունքում, ըստ գլխավոր շտաբի պետի, ռուսական նավատորմն այսօր բավական լավ վիճակում է:

Աղբյուր` Ermenihaber.am

Այս ենթաբաժնի վերջին նորությունները

16:01, 23 ապր

ԱՄՆ կոնգրեսականները մտահոգված են. «Թուրքիան կարող է S-400-ներն ուղարել Սիրիա»

Պետդեպին ուղարկած նամակում Գուս Բիլիրաքիսը և Բրեդ Շնայդերը գրել են, որ դա կարող է հանգեցնել Իսրայել-Թուրքիա ուղիղ բախման:

12:23, 23 ապր

«ՀԱՄԱՍ»-ը հրադադարի նոր փորձ է ձեռնարկում և աջակցություն է խնդրում Անկարայից

Պաղեստինյան «ՀԱՄԱՍ» խմբավորման պատվիրակությունը Անկարայում հանդիպել է Թուրքիայի արտգործնախարարի և Ազգային հետախուզական կազմակերպության (MİT) ղեկավար Իբրահիմ Քալընի հետ: