Թուրքական «PEN»-ը քննադատել է երկրում մտավորականների հալածանքները

Հասարակական07:56, 14 Սեպտեմբեր 2016

Թուրքական «PEN»-ը քննադատել է երկրում մտավորականների հալածանքները

Բանաստեղծների և արձակագիրների միջազգային «PEN» ակումբի թուրքական ներկայացուցչությունը ընդվզել է Թուրքիայում տեղի ունեցող օրինախախտումների դեմ:

Թուրքական «Diken» լրատվակայքի տեղեկացմամբ՝ Թուրքիայում հուլիսի 15-ին տեղի ունեցած անհաջող հեղաշրջման փորձից հետո ծայր առած լրագրողների ու մտավորականների մասսայական ձերբակալությունները «PEN» -ը որակել է որպես «սխալմունք» և «անարդարություն»:

«Այս պահին մեր երկրի համար մեծագույն անհրաժեշտությունը ոչ թե քենի ու վրեժի ետևից գնալն է, այլ արդարության, արդարադատության, խաղաղության զգուցումն ու դրանց կիրառումը», - հայտարարել է կազմակերպությունը:

Թուրքական «PEN»-ը հայտարարել է, որ իրենք կանգնած են ձերբակալված գրողների, լրագրողների և ակադեմիկոսների կողքին և կոչ է արել պահ առաջ հետ կանգնել սխալ քայլերից ու անարդարություններից և չնպաստել ավելի վատ հետևանքների առաջացմանը:

«Համոզված ենք, որ դա կարևոր է նաև՝ ժողովրդավարությանն ավելի մեծ հարված չհասցնելու տեսակետից»,- ասված է հայտարարությունում:

Կազմակերպությունը քննադատել է նաև ուսուցիչների և ակադեմիկոսների՝ աշխատանքից հեռացվելու հանգամանքը՝ բնութագրելով դա որպես «օրենքների, իրավունքի, արդարության և խղճի» ոտնահարում:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։