Կանադայում քրդերի առաջնորդ Օջալանին համեմատել են Նելսոն Մանդելայի հետ

Հասարակական08:19, 19 Սեպտեմբեր 2016

Կանադայում քրդերի առաջնորդ Օջալանին համեմատել են Նելսոն Մանդելայի հետ

Կանադայի մահմեդականների կոնգրեսի հիմնադիր, լիբերալ հայացքներ ունեցող պակիստանցի գրող Թարըք Ֆեթթահը քրդերի առաջնորդ Աբդուլլահ Օջալանին նույնացրել է Հարավաֆրիկյան Հանրապետության առաջին սևամորթ նախագահ Նելսոն Մանդելայի հետ: Ֆեթթահն այս համեմատություն անցկացրել է կանադական «Toronto Sun» պարբերականում հրապարակված հոդվածում, որտեղ պահանջում է Օջալանին ազատ արձակել, իսկ «Քուրդիստանի բանվորական կուսակցությունը» (ՔԲԿ-PKK) հանել ահաբեկչական համարվող կազմակերպությունների ցանկից:

Թուրքական «Ulusalkanal» լրատվական կայքը տեղեկացմամբ՝ պակիստանցի գրողի հոդվածը բարկացրել է Կանադայի թուրքական համայնքին:

Կանադայի թուրքական միությունների ֆեդերացիայի նախագահ Մեհմեթ Բոռը հոդվածի վերաբերյալ հայտարարություն է տարածել՝ նշելով, թե Կանադայում PKK-ին և դրա առաջնորդ Օջալանին աջակցող արշավ է սկսվել:

Թուրքական միությունների ֆեդերացիայի ղեկավարը կարծում է, որ Ֆեթթահի կողմից PKK-ին և Օջալանին գովերգող, ինչպես նաև Հայոց ցեղասպանության փաստը ճանաչող հոդվածների հրապարկման համար ընտրված ժամանակը պատահական չէ:

«Այս արշավը արվում է այն ժամանակ, երբ Թուրքիան վճռականորեն պայքար է մղում PKK-ի և Սիրիայում «ազատ միջանցք» ծրագրի դեմ, որ ԱՄՆ-ը փորձում է ստեղծել՝ օգտագործելով ահաբեկչական կազմակերպություններին: Այս արշավը սկսել են, որովհետև թուրքական զորքը պարտության է մատնում PKK-ին և YPG-ին (Սիրիայում գործող քրդական «Ժողովրդական ինքնապաշտպանության ջոկատներ»)»:

Բոռը հայտարարության մեջ նշել է, որ հիմարություն կլիներ կարծել, թե PKK-ի և Օջալանի օգտին տարվող քարոզարշավը հետևում հատուկ ծառայությունները չեն կանգնած: Նա նաև զգուշացրել է, որ այս արշավը կարող է թուրք-կանադական հարաբերությունների վատթարացման պատճառ դառնալ:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։