Թուրքիան 1-ին տեղում է Twitter-ից հաշիվ ջնջելու պահանջների թվով

Հասարակական12:48, 22 Սեպտեմբեր 2016

Թուրքիան 1-ին տեղում է Twitter-ից հաշիվ ջնջելու պահանջների թվով

Twitter սոցիալական ցանցը հրապարակել է իր «թափանցիկության զեկույցը»: «Deutsche Welle»-ի թուրքական ծառայության տեղեկացմամբ՝ Twitter-ից այս կամ այն բովանդակությունը հեռացնելու պահանջների թվով Թուրքիան կրկին ռեկորդ է սահմանել:

Զեկույցի համաձայն՝ 2016թ. առաջին կեսին պետական և անվտանգության գերատեսչություններից ընդհանուր առմամբ ստացվել է 4.434 նմանատիպ պահանջ, ինչը 13 տոկոսով ավելի է նախորդ տարվա ցուցանիշից:

Մասնավորապես Թուրքիայի տարբեր պաշտոնական ատյաններից ստացվող պահանջների թիվն ամենամեծն է և գնալով աճում է: Ընդհանուր առմամբ, Թուրքիայից այս տարվա ընթացքում ստացվել է 2.493 հայց: Twitter-ին ուղղված պահանջների թվով 2-րդ տեղում Ռուսաստանն է ՝ 1.601 հայց:

Նշվում է նաև, որ ստացված դիմում-պահանջները, ընդհանուր առմամբ, վերաբերում է 20.594 թվիթերյան հաշիվների: Այդ պահանջներից բավարարվել է միայն 15.195-ը:

ԱՄՆ-ից ստացվել է բովանդակության հեռացման ընդամենը 98 պահանջ: Դրանցից բավարարվել է միայն մեկը: Ի դեպ, տարբեր թվիթերյան հաշիվների մասին տեղեկություններ ստանալու պահանջների թվով (2.520) ԱՄՆ-ն առաջին տեղում է: Այս պահանջների 82 տոկոսը բավարարվել է:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։