Մշակութային08:32, 26 Սեպտեմբեր 2016
Մարութա Բարձր Աստվածածին եկեղեցին նորից հասանելի կլինի ուխտավորների համար
Պատմական Մարութա լեռն ու նրա գագաթին գտնվող Սուրբ Աստվածածին հայկական եկեղեցին այսուհետ հասանելի կլինեն ուխտավորների համար: Թուրքական «Anadolu» լրատվական գործակալության տեղեկացմամբ՝ Բաթմանի նահանգային ղեկավարությունը նախաձեռնել է դեպի լեռ տանող 8 կիլոմետրանոց ճանապարհի կառուցման աշխատանքը, որի ավարտը նախատեսված է մեկ ամսից:
Թուրքիայի Բաթման նահանգի Սասոն (Սասուն) շրջանում գտնվող Մարութա լեռը տարածաշրջանի ամենաբարձր գագաթն է և ունի 2.973 մետր բարձրություն:
Բաթմանի նահանգային խորհրդի անդամ Յըլմազ Չաքարը հույս է հայտնել, որ նոր ճանապարհը կնպաստի այդ շրջանում զբոսաշրջության զարգացմանը: Ընդգծելով, որ Մարութան հայերի համար սուրբ լեռ է համարվում, Չաքարը նշել է, որ այսուհետ տեղի հայերը և այլ ուխտագնացներ հնարավորություն կունենան այցելելու Մարութա Սուրբ Աստվածածին եկեղեցին, ինչը նախկինում անհնար էր ճանապարհի բացակայության պատճառով:
Բաթմանի թանգարանի տնօրեն Վեհբի Յուրթն էլ հիշեցրել է, որ Մարութա լեռան Սուրբ Աստվածածին եկեղեցին 2013թ.-ից հատուկ պահպանության տակ է առնվել: Սակայն, ըստ թուրք մասնագետի, եկեղեցու տարածքում կատարված ուսումնասիրությունների ընթացքում եկեղեցու կառուցման տարեթվի և պատմության վերաբերյալ որևէ գրություն չի հայտնաբերվել:
Հիշեցնենք, որ եկեղեցին Մարութա Բարձր Աստվածածին անվամբ հիշատակվում է «Սասնա ծռերում»: Ըստ ավադության՝ եկեղեցին կառուցվել է Մեծ Մհերի պատվերով: Այն ավերվել է Մսրա Մելիքի կողմից, իսկ ավելի ուշ Դավիթն այն մեկ օրվա ընթացքում վերականգնել է:
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |