ԵՄ նախկին պատգամավորին չի թույլատրվել մուտք գործել Թուրքիա

Իրավական13:11, 26 Սեպտեմբեր 2016

ԵՄ նախկին պատգամավորին չի թույլատրվել մուտք գործել Թուրքիա

Թուրքիա-Եվրամիություն խառը խորհրդարանական հանձնաժողովի նախկին համանախագահ հոլանդացի Յոսթ Յագենդիյքին չի թույլատրվել մուտք գործել Թուրքիա: ԵՄ խորհրդարանի նախկին անդամը 2009 թվականից ապրում է Թուրքիայում և սյունակ վարում «Todayz Zaman» պարբերականում, որը թուրքական իշխանությունները համարում են գյուլենական լրատվամիջոց:

Ըստ թուրքական «Ensonhaber» լրատվական կայքի` Թուրքիա մուտք գործելու արգելքը բացատրվում է այն պատճառաբանությամբ, թե Յագենդիյքին Նիդերլանդների թուրքական դեսպանությունից պատշաճ կարգով վիզա չի ստացել: Արդյունքում վաղը Անկարայի օդանավակայանից նա հետ կուղարկվի Ամստերդամ:

ուրքական աղբյուրը տեղեկացնում է, որ «Todays Zaman»-ի սյունակագիրը նաև խորհրդատվություն էր իրականացնում Թուրքիայի Սաբանջը համալսարանին առընթեր գործող Ստամբուլի քաղաքագիտական կենտրոնում:

Աղբյուր` Ermenihaber.am