Տարածաշրջան10:06, 30 Սեպտեմբեր 2016
Թուրքիայի մեջլիսից հեռացրել են Աթաթուրքի պատկերով ադրբեջանական գորգը
Թուրքիայում հուլիսի 15-ի հեղաշրջման փորձի ժամանակ տեղի ունեցած ռմբակոծության հետևանքով վնասվել էր խորհրդարանի շենքը: Դրանից հետո շենքը ենթարկվել է վերականգնման ու վերանորոգման: Թուրքական «Cumhuriyet» թերթի կայքի տեղեկացնում է, որ ընդդիմությանը հատկացված սրահներից մեկը, թեև ռումբերից չէր վնասվել, բայց վերանորոգման ծրագրի շրջանակներում արհեստականորեն փլուզվել է:
Նշված սրահում տասնյակ տարիներ կախված է եղել Աթաթուրքի պատկերով մի գորգ, որտեղ թուրք առաջնորդը ռազմական համազգեստ է կրում: Իշխանության ներկայացուցիչները պարզաբանել են, որ Աթաթուրքի պատկերով գորգը վերանորոգման աշխատանքների ավարտից հետո այլևս չի վերադարձվի իր նախկին տեղը:
Թուրքիայի իշխող «Արդարություն և զարգացում» կուսակցության (ԱԶԿ-AKP) ներկայացուցիչ Սալիմ Ուսլուն այս որոշումը մեկնաբանել է հետևյալ կերպ. «Ճիշտ չէ այդ ռազմական համազգեստով նկարը տեղադրել այնտեղ այն դեպքում, երբ մեջլիսում Աթաթուրքի հարյուրավոր քաղաքացիական նկարները կան: Այդ նկարը հարմար կարող է լինել որևէ զորանոցում, բայց մեջլիսում ոչ մի դեպքում չպետք է լինի»:
Իսկ «Haber Ankara» լրատվակայքի սյունակագիր Ազիզ Դոլու Աթաբեյի տեղեկացմամբ՝ Աթաթուրքի նկարը կրող վերնշյալ գորգը պատրաստված է եղել Ադրբեջանում: Այն տարիներ առաջ Թուրքիայի մեջլիսի նախկին նախագահ Հյուսմեթթին Ջինդորուքին է նվիրել Ադրբեջանի նախկին նախագահ Հեյդար Ալիևը:
Նշենք նաև, որ Թուրքիայի մեջլիսի նախագահ Իսմաիլ Քահրամանը հայտարարել է, որ այդ գորգը պարզապես կտեղափոխվի շենքում ստեղծվելիք թանգարանային բաժին, որտեղ կցուցադրվեն նաև մեջլիսի նախագահներին շնորհված բոլոր մյուս նվերները:
Այս ենթաբաժնի վերջին նորությունները
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Կողմերը քննարկել են նավերի տեխզննման, ծովային վարժանքների, ծովահենների զբաղվածության, ծովային զբոսաշրջության, ծովային առևտրի վերաբերյալ հարցեր։
Ըստ Էրդողանի՝ ռուս-ուկրաինական պատերազմը ցույց տվեց, որ արտաքին ռեսուրսներից կախվածությունը լուրջ խնդիր է էներգետիկ ոլորտում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |