Քըլըչդարօղլուին մինչև 2 տարի 8 ամիս ազատազրկում է սպառնում

Իրավական10:14, 11 Հոկտեմբեր 2016

Քըլըչդարօղլուին մինչև 2 տարի 8 ամիս ազատազրկում է սպառնում

Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ - CHP) նախագահ Քեմալ Քըլըչդարօղլուի դեմ 4 ամսից մինչև 2 տարի 8 ամիս ազատազրկման պահանջով մեղադրական եզրակացություն է կազմվել: Թուրքական «Cumhuriyet» թերթի կայքի տեղեկացմամբ՝ Քըլըչդարօղլուն մեղադրվում է Էրդողանի որդուն «հրապարակայնորեն վիրավորելու» մեջ:

Ավելի վաղ ԺՀԿ առաջնորդին մեղադրանք էր առաջադրվել՝ Թուրքիայի նախագահ Ռեջեփ Թայիփ Էրդողանին և նրա որդի Բիլալ Էրդողանին վիրավորելու համար: Այնուհետև նախագահ Էրդողանը հետ էր վերցրել իր բողոքը, և գործն այս մասով կարճվել էր:

Այժմ Քըլըչդարօղլուին առաջադրված մեղադրանք ու պահանջվող պատժաչափը վերաբերում են միայն Բիլալ Էրդողանի բողոքին:

Ընդդիմադիր կուսակցապետը մեղադրվում է 2014թ. օգոստոսի 5-ին՝ նախագահական ընտրություններից 5 օր առաջ, Ստամբուլի Աթաթուրք օդանավակայանում ունեցած ելույթի ժամանակ Էրդողաններին վիրավորելու մեջ:

Կազմված մեղադրական եզրակացությունը ուղարկվել է Բաքըրքյոյի առաջին ատյանի քրեական դատարան: 15 օրվա ընթացքում դատարանը պարտավոր է կամ ընդունել վարույթ, կամ մերժել այն:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։