Էրդողանի կարծիքով Թուրքիայի դատական համակարգն ավելի անկախ է, քան ամերիկյանը

Իրավական12:20, 12 Հոկտեմբեր 2016

Էրդողանի կարծիքով Թուրքիայի դատական համակարգն ավելի անկախ է, քան ամերիկյանը

Թուրքիայի նախագահ Ռեջեփ Թայիփ Էրդողանը ելույթ է ունեցել թուրք դատավորների և դատախազների ժողովում: Թուրքական «Hurriyet» թերթի տեղեկացնում է, որ ելույթում Էրդողան ադրադարձել է «Ֆեթուլահական ահաբեկչական կազմարկերպությանը» (թուրքական մամուլում այդպես է անվանվում հայտնի կրոնական գործիչ ամերիկաբնակ թուրք միլիարդատեր Ֆեթուլլահ Գյուլենի հիմնած համայնքը: Վերջինս մեղադրվում է Թուրքիայում ռազմկանա հեղաշրջման փորձ անելու մեջ):

Էրդողան նշել է, որ հուլիսի 15-ի ռազմական հեղաշրջման փորձից հետո 3456 դատավոր և դատախազ ազատվել էր աշխատանքից: Նրանցից 198-ը որոշ ժամանակ անց վերադարձել են իրենց պաշտոնին, քանի որ կատարված հետաքննության արդյունքում պարզվել էր, որ նրանց նկատմամբ գյուլնականների հետ կապ ունենալու կասկածանքներն անհիմն են:

Էրդողանն անդրադարձել է նաև Գյուլենի արտահանձման խնդրին՝ նշելով. «Երբ ԱՄՆ-ը Թուրքիայից պահանջում է ահաբեկիչներ արտահանձնել, մենք տալիս ենք, իսկ, տեսեք, նրանք այդպիսի մի ահաբեկչի չեն ուզում մեզ հանձնել»:

Էրդողանն ընդգծել է, որ այսուհետև նմանատիպ պահանջների դեպքում իշխանությունները որոշումներ չեն կայացնի, այլ դրա իրավունքը կփոխանցեն դատական համակարգին: Դիմելով դատավորներին նախագահն ասել է.«Մենք որոշում չենք կայացնի, մինչև դուք դա չանեք: Այսուհետև այդպես է լինելու»:

Էրդողանը, խոսելով ԱՄՆ-ի դատական համակարգի մասին նշել է, որ Թուրքիայի դատական համակարգն ավելի անկողմանակալ և անկախ է, քան ամերիկյանը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։