Թուրքիայի արևելյան շրջաններում ձերբակալում են քրդամետ կուսակցության ներկայացուցիչներին

Իրավական10:06, 13 Հոկտեմբեր 2016

Թուրքիայի արևելյան շրջաններում ձերբակալում են քրդամետ կուսակցության ներկայացուցիչներին

Թուրքիայի ոստիկանությունը երկրի արևելյան շրջաններում «Քուրդիստանի բանվորական կուսակցության» (ՔԲԿ-PKK) քաղաքային և երիտասարդական կառույցների դեմ իրականացվող հետաքննության շրջանակներում հատուկ գործողություններ է իրականացնում:

Թուրքական իշխանական «Sabah» թերթը տեղեկացնում է, որ Դիարբեքիր քաղաքում ոստիկանությունը դատարանի որոշմամբ խուզարկել է քրդամետ «Ժողովուրդների դեմոկրատական» (ԺԴԿ-HDP) և քրդական «ժողովրդական շրջաններ» (ԺՇԿ-DBP) կուսակցություններին պատկանող շենքերը: ԺԴԿ-ի համանախագահի օգնական Մերալ Դենի Բեշթաշը հայտնել է, որ խուզարկության ժամանակ ներկան են եղել նաև Թուրքիայի խորհրդարանի պատգամավորներ և փաստաբաններ:

Դիարբեքիրի ոստիկանությունը 2 օր առաջ ձեբակալել էր 2 կուսակցությունների 55 անդամի, որոնց թվում եղել են կուսակցությունների նահանգային և շրջանային կառույցների համանախագահներ և ղեկավարներ:

Խուզարկություններ են կատարվել նաև Վան նահանգում: Միաժամանակյա գործողության ընթացքում խուզարկվել են նաև ԺԴԿ-ի և ԺՇԿ-ի նահանգային կառույցների շենքերում: Խուզարկությունից հետո ձերբակալվել է 40 հոգի, որոնց թվում եղել են 2 կուսակցությունների ղեկավարներ:

Հաքքարիում իրականացված ոստիկանական գործողության ժամանակ ձերբակավել է 7 մարդ, այդ թվում ԺԴԿ-ի նահանգային կառույցի համանախագահ Մեթին Բեսին:

Աղբյուր` Ermenihaber.am