Մշակութային09:10, 15 Հոկտեմբեր 2016
Սիբիլի հայրենասիրական երգերի ցանկը համալրվեց ևս մեկով. «Վանա լճին» (տեսահոլովակ)
Պոլսահայ երգչուհի Սիբիլի հայրենասիրական երգերի ցանկը համալրվեց ևս մեկ գեղեցիկ ստեղծագործությամբ: «Վանա լճին» կոչվող երգը զրույց է պատմական հայրենիքի խորհրդանիշի հետ ու աշխարհասփյուռ հայության կարոտի և հույզերի արտահայտումն է՝ հանդեպ հոգևոր հայրենիքի:
Նախօրեին երգը և տեսահոլովակը ներկայացվել է հայ հանդիսատեսի դատին:
«Պատասխան՝ 100 տարի անց» ծրագրի շրջանակներում՝ Արևմտյան Հայաստան կատարված ուխտագնացության տպավորությունների ներքո գրված երգի հեղինակը Հասմիկ Հախվերդյանն է:
«Յուրքանչյուր հայ իր սրտում ունի Վան, Արևմտյան Հայաստան,- նկատել է տալիս Հասմիկ Հախվերդյանը: - Յուրաքանչյուրս իր մեջ պահում է այդ կարոտը, ուստի կարծում եմ, որ երգը հոգեհարազատ է բոլորիս»:
Հախվերդյանը նշում է, որ Սիբիլը որպես Ստամբուլում ապրող և այնտեղ հայի գոյությունը շարունակող երգչուհի, կարծես հանդիսանում է Արևմտյան Հայաստանի խորհրդանիշ, ուստի կարևոր էր, որ հենց ինքը կատարեր այս երգը:
«Երբ Հասմիկն ինձ ուղարկեց երգը և ես առաջին անգամ լսեցի այն, մարմինս փշաքաղվեց: Միանգամից հասկացա, որ սա իմ երգն է»,- ասում է Սիբիլը:
Պոլսահայ երգչուհին «Ermenihaber.am»-ի հետ զրույցում հույս հայտնեց , որ երգի հայաստանյան պրեմիերայից հետ հնարավորություն կունենա այն ներկայացնել նաև Թուրքիայում:
«Վերադառնալուն պես կզբաղվեմ այդ հարցով: Անպայման կուզեմ, որ այս երգը հայտնվի նաև թուրքական հեռուստաալիքների եթերում», - նշում է երգչուհին:
Դաշնամուրի ու թավջութակի նվագակցությամբ Սիբիլի նուրբ ու հուզական կատարմամբ երգի տեսահոլովակը նկարահանվել է Սևանա լճի ափին: Տեսահոլովակի ռեժիսորը Մարիամ Գևորգյանն է, իսկ պրոդյուսերը ՝ Անդրե Սիմոնյանը:
Պոլսահայ երգչուհին 2010 թվականի նոյեմբերին թողարկել էր իր անունով «Սիբիլ» ալբոմը, որտեղ ներառված էին «Տեր ողորմյա», «Կիլիկիա», «Տեսնեմ Անին ու նոր մեռնեմ» երգերը:
2014 թվականի փետրվարին լույս է տեսել նրա «Սեր» ալբոմը: Թուրք և հայ հանդիսատեսի համակրանքին արժանացած երգչուհու «Այս գիշեր» երգի տեսահոլովակը փետրվարի 15-ին ցուցադրվեց թուրքական «CNNTurk» հեռուստաալիքով: Իսկ 2014 թվականի Մայիսի 11-ին Կալիֆորնիայում տեղի ունեցած առաջին “World Armenian Entertainment Awards” մրցանակաբաշխությանը արժանացել է «Սփյուռքի տարվա լավագույն երգչուհի» մրցանակին:
Այս ենթաբաժնի վերջին նորությունները
Սերիալը կհեռարձակվի «Լույս TV»-ի եթերում՝ հայերեն հնչողությամբ և թուրքերեն ենթագրով։
Եկեղեցուն զուգահեռ վերանորոգվելու է հարակից տարածքում գտնվող և նախկինում ÇEK-ի կողմից շահագործված շենքը, որը ևս մշակութային կենտրոնի մի մասն է կազմելու:
Նշվում է, որ Ուրֆայում գտնվող հայկական եկեղեցու մի մասը փլուզվել է երկրաշարժի հետևանքով, իսկ մյուս մասը՝ վերածվել մզկիթի։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
«Մեր ջրի աղբյուրների արդյունավետ օգտագործումն ու ճիշտ կառավարումը ոչ թե ընտրություն է, այլև ազգային անվտանգության խնդիր»։
Ըստ տեղեկությունների՝ բանակցությունները սկսվել են ԱՄՆ-ի միջոնորդությամբ ու խորհրդով:
Որոնման աշխատանքների մեջ ներգրավված է «Թուրքիայի նավթային կորպորացիայի» (TPAO) 200 հոգուց բաղկացած անձնակազմ և 30 տեխնիկա։
Թուրքական թերթը գրում է, որ Թուրքիայում ահաբեկչական ճանաչված «Քուրդիստանի բանվորական կուսակցությունը» առաջիկայում ինքնալուծարվելու է:
Ողջ Եվրոպայում կապույտ քարտ ունեցող ոչ ԵՄ քաղաքացիներից 547․790-ը բնակվում է Գերմանիայում։ Նրանցից 18․000-ը կրկին դիմել է Թուրքիայի քաղաքացիություն ստանալու համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |