Թուրքիայում հանրաքվեն կարող է ավելի շատ ձայն ստանալ, քան Էրդողանը նախագահական ընտրությունների ժամանակ

Հասարակական12:21, 20 Հոկտեմբեր 2016

Թուրքիայում հանրաքվեն կարող է ավելի շատ ձայն ստանալ, քան Էրդողանը նախագահական ընտրությունների ժամանակ

Թուրքիայում գործող «Andy-Ar» հետազոտական ընկերությունը ուսումնասիրություններ է կատարել՝ պարզելու համար կառավարման նախագահական համակարգի անցնելու աջակիցների տոկոսը:

Թուրքական իշխանամետ «Sabah» թերթը հայնտում է, որ ընկերության տնօրեն Ֆարուք Աջարի կարծիքով՝ սահմանադրական փոփոխությունների համար հանրաքվեն կարող է ձայների ավելի մեծ առավելությամբ ընդունվել, քան նախագահական ընտրությունների ժամանակ հավաքել էր նախագահ Ռեջեփ Թայիփ Էրդողանը:

Սակայն ընկերության տնօրենն ընդգծել է, որ դա հնարավոր է մի դեպքում, եթե իշխող «Արդարություն և զարգացում» կուսակցությունը (ԱԶԿ-AKP) կարողանա բնակչությանը համոզել, որ նախագահական համակարգը կարևոր է նաև Էրդողանի հեռանալուց հետո: Նրա խոսքերով՝ նախագահական համակարգին անցնելու քննարկումները մինչև հիմա ընթացել են Էրդողանի անձի շուրջ՝ փոփոխություններին կողմ կամ դեմ քվեարկելը ընկալվել է որպես Էրդողանին տրված քվե:

Ըստ Աջարի տվյալների՝ այս պահին եթե փոփոխությունները կապվում են Էրդողանի անձի հետ, ապա նախագիծը 40-45 տոկոս աջակցություն կստանա, մինչդեռ գրեթե 70 տոկոսը Էրդողանին որպես առաջնորդ է ընկալում: Աջարը համոզված է, որ այս ընտրազանգվածի քվեն հնարավոր է ստանալ միայն մի դեպքում, եթե ԱԶԿ-ն կառավարման համակարգի մասին հասարակական քննարկումներ սկսի:

Նշենք, որ օրեր առաջ ԱԶԿ փոխնախագահը հայտնել էր երկրում կառավարման համակարգի փոփոխության համար հանրաքվե անցկացնելու ժամկետը:

ԱԶԿ-ի փոխնախագահը նշել է, որ առաջարկը հնարավոր է մեջլիս ներկայացվի հունվարին, իսկ հանրաքվեի դրվի ապրիլին:

Հիշեցնենք, որ հանրապետական Թուրքիայի պատմության մեջ անցկացված նախագահական առաջին ընտրություններն անցկացվել է 2014 թվականին: Նախագահ էր ընտրվել Ռեջեփ Թայիփ Էրդողանը՝ հավաքելով ընտրողների 51.3 տոկոս ձայն:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։