Թուրքական կայքերն անդրադարձել են Ռուսաստանի վերաբերյալ Հայաստանում անցկացված սոցհարցմանը

Հասարակական14:48, 31 Հոկտեմբեր 2016

Թուրքական կայքերն անդրադարձել են Ռուսաստանի վերաբերյալ Հայաստանում անցկացված սոցհարցմանը

Թուրքական համացանցային լրատվական ռեսուրսներն անդրադարձել են Հայաստանում տպագրվող «Новое Время» ռուսալեզու թերթի կողմից անցկացված սոցհարցմանը, որը նպատակ է ունեցել պարզելու, թե հայաստանցիների քանի տոկոսն է Ռուսաստանը համարում բարեկամ երկիր:

Թուրքական «Sondakika.com» լրատվական կայքը, հղում անելով հայկական տպագիր ռեսուրսին, գրում է, որ վերջին 2 տարվա ընթացքում զգալի չափով նվազել է այն հայաստանցիների քանակը, որոնք Ռուսաստանը բարեկամ երկիր են համարում:

Նշվում է, որ Եվրասիական զարգացման բանկի կողմից Հայաստանում անցկացված հարցումը ցույց է տվել, որ հայաստանցիների ընդամենը 60 տոկոսն է Ռուսաստանին բարեկամական երկիր համարում, այն դեպքում, երբ այդ ցուցանիշը ընդամենը 2 տարի առաջ 87 տոկոս էր:

Կայքը ներկայացրել է նաև Ռուսատանի Միջազգային իրավունքի ասոցիացիայի անդամ Դենիս Դվորնիկովի` այս թեմայով «Новое Время»-ին տված մեկնաբանությունը: Դվորնիկովը Ռուսաստանի նկատմամբ համակրանքի նվազումը պատճառաբանել է ապրիլյան պատերազմի օրերին Ռուսաստանի փոխվարչապետ Դմիտրի Ռոգոզինի հայտարարություններով, որոնցում ռուս պաշտոնյան ասել էր, որ իր երկիրը շարունակելու է զենքի մատակարարումները Ադրբեջանին:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։