Մահապատժի վերականգնումը Թուրքիային կարող է զրկել Եվրախորհրդին անդամակցությունից

Իրավական07:21, 31 Հոկտեմբեր 2016

Մահապատժի վերականգնումը Թուրքիային կարող է զրկել Եվրախորհրդին անդամակցությունից

Եվրախորհուրդը (ԵԽ) արձագանքել է մահապատժի վերականգնման վերաբերյալ Թուրքիայի նախագահ Ռեջեփ Թայիփ Էրդողանի հայտարարությանը: Թուրքական «Hürriyet» պարբերականի կայքի տեղեկացմամբ՝ ԵԽ խոսնակ Դանիել Հոլթգենը սոցցանցերում կատարած գրառման մեջ նշել է. «Մահապատժի կիրառումը չի կարող համատեղվել ԵԽ անդամության հետ»:

Նշենք, որ օրեր առաջ Անկարայում ճեպընթաց գնացքի կայարանի բացման ժամանակ հավաքված հասարակությունը վանկարկել էր «Մահապատիժ ենք ուզում» կարգախոսը: Դրան ի պատասխան՝ Էրդողանը հայտարարել էր. «Մոտ է, մոտ, մի անհանգստացեք: Ես հավատում եմ, որ մահապատժի նախագիծը մեջլիսում կհաստատվի: Իսկ ես կվավերացնեմ այն»:

Հավելենք նաև, որ մահապատժի վերականգնման վերաբերյալ Եվրախորհրդի մոտեցումը խորթ չէ նաև Եվրամիությանը (ԵՄ): Բրյուսելը Թուրքիայում մահապատժի վերականգնումը գնահատում է որպես «կարմիր գիծ»՝ եվրաինտեգրման բանակցություններում: ԵՄ տարբեր բարձրաստիճան ներկայացուցիչներ պարբերաբար հստակորեն նշել են, որ մահապատժի նորից կիրառումը կհանգեցնի Թուրքիայի հետ անդամակցության բանակցությունների դադարեցմանը:

Հիշեցնենք, որ Թուրքիայում վերջին անգամ մահապատիժ կիրառվել է 1984թ.: Իսկ 2002թ. եվրաինտեգրման բանակցությունների շրջանակներում մահապատիժը երկրում օրենքով արգելվել է:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։