Պատմական Սեբաստիայի հայկական գերեզմանատանը հոգեհանգստի կարգ է մատուցվել

Մշակութային09:51, 31 Հոկտեմբեր 2016

Պատմական Սեբաստիայի հայկական գերեզմանատանը հոգեհանգստի կարգ է մատուցվել

Թուրքիայի Սիվաս (Սեբաստիա) նահանգի Զառա շրջանում գտնվող հայկական գերեզմանատանը երկարատև դադարից հետո հոգեհանգստի կարգ է կատարվել: Թուրքական «HaberTürk» լրատվակայքի տեղեկացմամբ՝ արարողությանը մասնակցելու համար Զառա է ժամանել նաև 38 հոգուց բաղկացած պոլսահայերի մի խումբ: Նրանք հարգանքի տուրք են մատուցել այդ գերեզմանոցում հանգչող իրենց նախնիներին:

Հոգեհանգստի կարգը մատուցելուց հետո ելույթ ունեցած հայր Զոհրապ Ջիվանյանը նշել է, որ գերեզմանոցում վերջին անգամ հուղարկավորություն էր կատարվել 1958թ.: Դրանից հետո այստեղ հոգեհանգստի կարգ այլևս չի կատարվել:

Հիշեցնենք, որ Զառայի հայկական գերեզմանատունը հայտնաբերվել էր մի քանի տարի առաջ՝ Սիվաս այցելած պոլսահայ «ՀայՃար» ճարտարապետների միության ներկայացուցիչների կողմից: Այնուհետև տեղի գործարար Ֆեթհի Արասի ֆինանսավորմամբ գերեզմանատան տարածքում վերականգնողական աշխատանքներ են կատարվել:

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։