Թուրքիայի ընդդիմադիր կուսակցության նախագահը կողմ է մահապատիժը վերականգնելուն

Իրավական10:00, 01 Նոյեմբեր 2016

Թուրքիայի ընդդիմադիր կուսակցության նախագահը կողմ է մահապատիժը վերականգնելուն

Թուրքիայի ընդդիմադիր «Ազգայնական շարժում» կուսակցությունը (ԱՇԿ-MHP) կողմ է մահապատիժը վերականգնելուն:

Թուրքական «Sondakika» լրատվական կայքի տեղեկացմամբ՝ այս մասին հայտարարել է ԱՇԿ նախագահ Դևլեթ Բահչելին՝ կուսակցության խորհրդարանական խմբակցության ժողովի ժամանակ ելույթ ունենալիս:

Բահչելին, խոսքն ուղղելով իշխող «Արդարություն և զարգացում» կուսակցությանը (ԱԶԿ-AKP), առաջարկել է հարցին վերջնական լուծում տալ: «Եթե ժողովուրդը մահապատիժ է ուզում, եթե մահապատժն անհրաժեշտ է և եթե ԱԶԿ-ն պատրաստ է, ապա ԱՇԿ-ն էլ է պատրաստ: Եկեք վերջակետ դնենք»:

Նշենք, որ Թուրքիայում մահապատիժը վերականգնելու մասին խոսակցությունները սկսվել են հուլիսի 15-ին կազմակերպված ռազմական հեղաշրջման փորձից հետո: Մահապատժի վերականգնմանը կողմ է արտահայտվել նաև նախագահ Ռեջեփ Թայիփ Էրդողանը: Նա, ելույթներից մեկում անդրադառնալով թեմային, նշել է. «Ես հավատում եմ, որ մահապատժի նախագիծը մեջլիսում կհաստատվի: Իսկ ես կվավերացնեմ այն»:

Թուրքիայում բարձր մակարդակով հնչեցվող կարծիքները անհանգստացրել են եվրոպացի քաղաքական գործիչներին:

Եվրախորհուրդը (ԵԽ) խոսնակ Դանիել Հոլթգենը նշել է. «Մահապատժի կիրառումը չի կարող համատեղվել ԵԽ անդամության հետ»: Իսկ Եվրամիությանը (ԵՄ) բարձրաստիճան պաշտոնյաները Թուրքիայում մահապատժի վերականգնումը գնահատում են որպես «կարմիր գիծ»՝ եվրաինտեգրման բանակցություններում:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։