9 ամսում Թուրքիայից էլեկտրաէներգիայի արտահանումը նվազել է 33.2 տոկոսով

Տնտեսական13:45, 02 Նոյեմբեր 2016

9 ամսում Թուրքիայից էլեկտրաէներգիայի արտահանումը նվազել է 33.2 տոկոսով

2016թ. ընթացքում Թուրքիայից էլեկտրաէներգիայի արտահանման ծավալներն էապես նվազել են: Թուրքական «TRT.haber» կայքի համաձայն՝ հունվար-սեպտեմբեր ամիսներին էներգիայի արտահանումը նախորդ տարվա համեմատ նվազել է 33 տոկոսով՝ հասնելով 19.538.216.000 դոլարի:

2015թ. նույն ժամանակահատվածում Թուրքիայից արտահանված էլեկտրաէներգիայի ընդհանուր արժեքը կազմել էր 29.389.762.000 դոլար:

Ըստ աղբյուրի՝ այս անկումը մասնավորապես կապված է վերջին երկու տարում նավթի գնի նվազման հետ:

Թուրքիայի զարգացման նախարարության կանխատեսումների համաձայն՝ տարեվերջին երկրից արտահանումների ընդհանուր արժեքը կկազմի 198 մլրդ դոլար, որից 27.5 մլրդ դոլարը ձեռք կբերվի էլեկտրաէներգիայի արտահանման ոլորտից:

Այսպիսով, նախորդ տարվա համեմատ էներգիայի արտահանման տարեկան եկամտաբերությունը կնվազի 10 տոկոսով: Նախարարության 2017-2019 թթ. զարգացման նախագծի համաձայն՝ 2017թ. այս ցուցանիշը կկազմի 32 մլրդ դոլար, 2018թ.՝ 37 մլրդ դոլար, իսկ 2019թ.՝ 41.3 մլրդ դոլար:

Աղբյուր` Ermenihaber.am