Եվրոպան կաջակցի Թուրքիայում աշխատանքից հեռացված դատավորներին

Իրավական07:02, 07 Նոյեմբեր 2016

Եվրոպան կաջակցի Թուրքիայում աշխատանքից հեռացված դատավորներին

Դատավորների եվրոպական միությունը Թուրքիայում աշխատանքից հեռացված դատավորներին աջակցելու նպատակով հիմնադրամ է ստեղծել:

«Sputnik»-ի թուրքական ծառայության տեղեկացմամբ՝ միությունը նյութական աջակցություն կցուցաբերի հեղաշրջման փորձից հետո հայտարարված արտակարգ դրության շրջանակներում «Գյուլենական համայնքի» հետ կապերի մեջ մեղադրանքով աշխատանքից հեռացված դատավորներին, դատախազներին ու նրանց ընտանիքներին:

Շվեյցարիայի դատավորների և դատախազների ասոցիացիան ևս թեմայի վերաբերյալ հայտարարություն է հրապարակել՝ տեղեկացնելով, որ նույնպես կաջակցի թուրք դատավորների համար ստեղծված հիմնադրամին:

Ասոցիացիայի անդամ Թոմաս Ստադելմանը նշել է. «Մենք հավատում ենք, որ մեր կողմից կատարվելիք նյութական փոքր օգնությունը թեկուզ մի փոքր կսփոփի այդ վիրավոր ընտանիքներին: Մենք այս առումով որոշ դիմումներ ենք ստացել»:

Գերմանիայի դատավորների և դատախազների ասոցիացիան ևս տեղեկացրել է, որ նշյալ հիմնադրամին 10.000 եվրո կնվիրաբերի: Մի շարք այլ իրավաբանական միություններ ևս թուրք դատավորներին աջակցելու համար միջոցներ հավաքելու ուղղությամբ աշխատանքներ են սկսել:

Հավելենք, որ շվեյցարական ասոցիացիան դատապարտել է Թուրքիայի պատկան մարմինների գործունեությունը՝ կոչ անելով չմոռանալ անմեղության կանխավարկածի և կտտանքնրի արգելքի մասին:

Աղբյուր` Ermenihaber.am