Թուրքական լիրան կրկին ռեկորդային անկում է գրանցել

Տնտեսական07:06, 08 Նոյեմբեր 2016

Թուրքական լիրան կրկին ռեկորդային անկում է գրանցել

Թուրքական լիրան կրկին արժեզրկվել է ԱՄՆ դոլարի նկատմամբ: Նոյեմբերի 8-ի դրությամբ 1 ԱՄՆ դոլարի փոխարժեքը սահմանվել է 3.18 թուրքական լիրա, որը նոր ռեկորդային ցուցանիշ է:

Թուրքական «Doğan» լրատվական գործակալության տեղեկացմամբ՝ փոխարժեքի տատանումները պայմանավորված են ներքին և արտաքին գործոններով: ԱՄՆ-ում նախագահական ընտրությունները դրական ազդեցությունն են թողել համաշխարհային շուկայի վրա՝ ամրապնդելով դոլարի դիրքերը, իսկ Թուրքիայում քրդամետ «Ժողովուրդների դեմոկրատական կուսակցության» (HDP-ԺԴԿ) պատգամավորների և ընդդիմադիր «Cumhuriyet» թերթի լրագրողների ձերբակալությունները լարվածություն են ստեղծել երկրի ներքաղաքական կյանքում՝ ազդելով լիրայի կայունության վրա:

Եվրոյի փոխարժեքը նունպես աճել է: 1 Եվրոյի դիմաց սահմանվել է 3.51 լիրա:

Հիշեցնենք, որ թուրքական լիրայի վերջին արժեզրկումը արձանագրվել էր այս տարվա սեպտեմբերի վերջին: Թուրքիայի ներքաղաքական իրավիճակի և համաշխարհային շուկայի զարգացումների հետևանքով սեպտեմբերի 29-ին 1 դոլարի դիմաց սահմանվել էր 2,99-3 թուրքական լիրա: Իսկ ահա ամսի 30-ին դոլարի փոխարժեքը հատել էր 3 լիրայի սահմանը՝ կազմելով 3.0045 լիրա:

Աղբյուր` Ermenihaber.am