Տարածաշրջան09:33, 08 Նոյեմբեր 2016
Թուրքիան մերժել է Թեհրանին. «Իրաքի հետ հարաբերություններում 3-րդ երկրի միջնորդության կարիք չունենք»
Թուրքիան մերժել է Իրանի՝ թուրք-իրաքյան հարաբերություններում միջնորդի դեր ստանձնելու առաջարկը: Իրանի միջնորդության առաջարկը մեկնաբանել է այդ երկրում Թուքիայի դեսպան Ռըզա Հաքան Թեքինը: Ինչպես հայտնում է թուրքական «Doğan» լրատվական գործակալությունը, դեսպանը նշել է, որ Անկարայի և Բաղդադի կապերը չեն խզվել ու երրորդ երկրի միջնորդության կարիք չկա:
Ըստ թուրք դիվանագետի՝ Թուրքիան դեմ չէ տարածաշրջանում կայունության հաստատման ուղղված Իրանի ջանքերին, սակայն Իրաքը, ինչպես և Իրանը, Թուրքիայի հարևան երկիր է, որի հետ հարաբերությունները շարունակվում են, չնայած առկա խնդիրներին:
«Իրաքի հետ հաղորդակցության խնդիր չկա: Իրաքի գերատեսչությունների հետ որքան էլ բարդ խնդիրներ ենք ունեցել, երբեք երկխոսությունը չի խզվել: Այս իսկ պատճառով էլ երրորդ երկրի միջնորդության կարիք չկա»:
Նշենք, որ Անկարա-Բաղդադ հարաբերությունները լարվել էին, երբ Իրաքի վարչապետ Հայդար ալ Իբադին հայտարարել էր, որ իրենք չեն թույլատրելու Թուրքիայի ստորաբաժանումներին մասնակցել Մոսուլի՝ «Իսլամական պետություն» ահաբեկչական կազմակերպության զինյալներից ազատագրման օպերացիային: Իբադին Թուրքիայից պահանջել էր նաև դուրս բերել զորքերը Իրաքի Բաշիքա շրջանից: Այս պահանջին բավականին խիստ էր արձագանքել Թուրքիայի նախագահը, որն Իբադիին դիմելով ասել էր. «Դու իմ զրուցակիցը չես, իմ մակարդակին, որակին չես: Իրաքում քո գոռում-գոչյունը մեզ համար կարևոր չէ: Ո՞վ է սա: Թող նախևառաջ իր չափը ճանաչի»:
Թուրք-իրաքյան հարաբերություններում լարվածությունը մեղմելու նպատակով Իրանի հոգևոր առաջնորդ այաթոլլահ Ալի Խամենեիի գլխավոր խորհրդական Ալի Աքբար Վելայեթին և Իրանի փոխարտգործնախարար Իբրահիմ Ռահիմպուրը հայտարարել էին Թեհրանի միջնորդության պատրաստակամության մասին:
Այս ենթաբաժնի վերջին նորությունները
Թուրքիայի տրանսպորտի և ենթակառուցվածքների նախարարը Դամասկոսում հանդիպել է Սիրիայի տրանսպորտի նախարարի հետ։
Նշվում է, որ էպիկենտրոնը եղել է Սիլիվրի քաղաքում, 6.92 կմ խորության վրա: Երկրաշարժը խուճապ է առաջացրել, մարդիկ վախից փողոց են դուրս եկել։
Միկրոավտուբուսի ու բեռնատարի բախման հետևանքով տուժածներից 4-ի վիճակը գնահատվում է ծանր։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Նշվում է, որ էպիկենտրոնը եղել է Սիլիվրի քաղաքում, 6.92 կմ խորության վրա: Երկրաշարժը խուճապ է առաջացրել, մարդիկ վախից փողոց են դուրս եկել։
Հայոց ցեղասպանության 110-րդ տարելիցին ընդառաջ Ermenihaber-ը զրուցել է թյուրքագետ, պատմական գիտությունների թեկնածու Մելինե Անումյանի հետ:
Ստամբուլի կալանավորված քաղաքապետն այդ կերպ խնդրել է բողոք արտահայտել իր ձերբակալության դեմ:
Միկրոավտուբուսի ու բեռնատարի բախման հետևանքով տուժածներից 4-ի վիճակը գնահատվում է ծանր։
Հայոց ցեղասպանության 110-րդ տարելիցին ընդառաջ հայ երիտասարդները հավաքվել են Ղամըշլը քաղաքի «ՄԱԿ-ի բարձրագույն խորհրդի» շենքի առջև:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |