ՄԱԿ-ի պաշտոնավարող դատավորը Թուրքիայում անազատության մեջ է

Իրավական09:10, 10 Նոյեմբեր 2016

ՄԱԿ-ի պաշտոնավարող դատավորը Թուրքիայում անազատության մեջ է

Դիվանագիտական անձեռնմխելիություն ունեցող ՄԱԿ-ի դատավորը Թուրքիայում անազատության մեջ է:

Թուրքական ընդդիմադիր «Diken.com.tr» լրատվակայքի տեղեկացմամբ՝ ՄԱԿ-ը կոչ է արել ազատ արձակել դատավոր Այդըն Սեֆա Աքային: Վերջինս հուլիսի 15-ի հեղաշրջման փորձից հետո կալանավորվել էր և հռչակվել «գյուլենական իմամ»:

ՄԱԿ-ի միջազգային քրեական տրիբունալի նախագահ Թեոդոր Մերոնը հայտարարել է, որ Աքայի ազատազրկման պատճառով կաթվածահար են եղել Ռուանդայի դատավարությունները: Նշենք, որ Աքայը Ռուանդայի վերաքննիչ դատարանի 5 հոգանոց դատական հանձնաժողովի անդամ է:

Մերոնը նշել է, որ իրենք դիմել են Անկարային՝ Աքայի վիճակի մասին տեղեկություններ ստանալու և նրան այցելելու համար: Սակայն Անկարայից որևէ պատասխան չի ստացվել:

ՄԱԿ-ի միջազգային տրիբունալի նախագահը իր մտահոգությունն է հայտնել հարցի վերաբերյալ Թուրքիայի լռության առթիվ և հավելել. «Բոլորս էլ գիտենք, թե հիմա Թուրքիայում որքան մարդիկ են ազատազրկված: Այդ պատճառով էլ, բնականաբար, մտահոգված եմ իմ գործընկերոջ ճակատագրով»:

Մերոնը նշել է նաև, որ Թուրքիան դեպքի առթիվ ոչ մի փաստաթուղթ չի ուղարկել ՄԱԿ-ին կամ ՄԱԿ-ի նախագահին և շեշտել, որ դրանով Թուրքիան, փաստոերն, թերացել է ՄԱԿ-ի առջև ստանձնած իր պարտավորություններում:

«Սա շատ լուրջ խնդիր է, քանի որ միջազգային քրեական դատարանների արդի պատմության մեջ առաջին անգամն է որևէ երկիր բանտարկում ՄԱԿ-ի պաշտոնավարող դատավորին», - նշել է Մերոնը՝ կոչ անելով ազատ արձակել Աքային:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։