Հայոց ցեղասպանությունն ընդունած թուրք մտավորականի դեմ դատական հայց է ներկայացվել

Իրավական13:26, 10 Նոյեմբեր 2016

Հայոց ցեղասպանությունն ընդունած թուրք մտավորականի դեմ դատական հայց է ներկայացվել

Թուրքական ընդդիմադիր «Özgür Gündem» լրատվական կայքի 9 ներկայացուցչի դեմ դատարան հայց է ներկայացվել:

Թուրքական իշխանամետ «Sabah» թերթը հայտնում է, որ Ստամբուլի դատախազությունը ներկայացրել է մեղադրական, որտեղ կայքի գլխավոր խմբագիր Բիլիր Քայան, ղեկավար կազմից Քեմալ Սանջըլըն, Ինալ Քըզըլքայան, նախկին խմբագիր Էրեն Քեսքինը, ղեկավար խորհրդի անդամներ Ասլը Էրդողանը, Բիլգե Ջոնթեփեն, Ֆիլիզ Քոչալին, Նեջմիյե Ալփաը և Ռագըփ Զարաքոլուն մեղադրվում են «զինված ահաբեկչական կազմակարպությանն անդամկցելու», «պետության միասնականությունը և ամբողջականությունը խախտելու», «հանցանք գործելու նպատակով հիմնված կազմակերպությանն անդամակցելու» և «ահաբեկչական կազմակերպության օգտին քարոզչություն անելու» մեջ:

Միջանկյալ նշենք, որ թուրք հրատարակիչ, մարդու իրավունքների պաշտպան Ռագըփ Զարաքոլուն 2011-ին Հայաստանի Ազգային գրադարանի կողմից պարգևատրվել է Հակոբ Մեղապարտի անվան մեդալով` որպես հրատարակչական մեծ գործունեություն ծավալող անձ, ով նաև տասնյակ հատորներ է նվիրել Ազգային գրադարանին:

Մեղադրականում նշվում է, որ «Özgür Gündem»-ը եղել է «Քուրդիստանի բանվորական կուսակցության» (ՔԲԿ-PKK) տպագիր մարմինը, որտեղ տեղ են հատկացվել PKK-ի և «Քրդական համայնքների միության» (KCK) ղեկավարների հոդվածներին և տեսակետներին:

Ըստ մեղադրականի՝ կայքում հրապարակվում էին KCK-ի գործադիր խորհրդի անդամ Մուստաֆա Քարասուի (Հուսեյին Ալի կեղծամվամբ), PKK-ի հիմնադիրներից Մուզաֆֆեր Այաթայի, KCK գործադիր խորհրդի համանախագահ Բեսե Հոզաթի հոդվածները:

Մեղադրականում նաև նշվում է. «Özgür Gündem-ը եղել է ահաբեկչական կազմակերպության խոսափողը, հրապարակել է կազմակերպության բարձրաստիճան ղեկավարների հայտարարությունները, ահաբեկչական կազմակերպության և դրա ղեկավարների օգտին իրականացված քարոզարշավը հասանելի է դարձրել նրանց համակիր զանգվածներին, հրապարակել է Թուրքիայի դեմ հասարակական կարծիք ձևավորող անհիմն լուրեր, PKK-ի գործողությունները ներկայացրել է որպես իրավական, ժողովրդին դրդել է ատելության և ապստամբության»:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։