Տարածաշրջան12:55, 11 Նոյեմբեր 2016
Թուրքիայի իշխող կուսակցությունը սահմանադրական փոփոխությունները կիրականացնի «գորշ գայլերի» օգնությամբ
Թուրքիայի վարչապետ, իշխող «Արդարություն և զարգացում կուսակցության» (AKP-ԱԶԿ) նախագահ Բինալի Յըլդըրըմը այսօր Տրապիզոնում տեղի ունեցած միտինգին հայտարարել է, որ սահմանադրական փոփոխություններն իրականացնելու են «Ազգայնական շարժում կուսակցության» (MHP-ԱՇԿ) հետ համագործակցելով: Վերջինս, ի դեպ, համարվում է «Գորշ գայլեր» (Bozkurt) ծայրահեղական կազմակերպության քաղաքական թևը:
Ըստ թուրքական «Sondakika.com» լրատվական կայքի` Յըլդըրըմը մասնավորապես ասել է. «ԱՇԿ-ի հետ կիրականացնենք սահմանադրական փոփոխությունները և կյանքի կկոչենք նախագահական համակարգը»:
Թուրքիայի վարչապետը նշել է, որ երկար ժամանակ քննարկվող սահմանադրական փոփոխությունները չեն կարողացել իրականացնել, քանի որ մյուս կուսակցություններն այդ հարցում չեն համագործակցել իրենց հետ:
Յըլդըրըմը հայտնել է, որ այժմ ԱՇԿ-ի նախագահ Դևլեթ Բահչելին այդ հարցում համագործակցելու պարտավորվածություն է վերցրել իր վրա, և 2 կուսակցությունները շուտով ձեռնամուխ կլինեն փոփոխությունների գործին:
Թուրքիայի վարչապետը տեղեկացրել է նաև, որ սահմանադրական փոփոխությունների նախագիծը նախ կներկայացվի մեջլիսի հաստատմանը, այնուհետև կանցկացվի հանրաքվե:
Թուրքիայում հաստատված է կառավարման խորհրդարանական համակարգ, որը փոխելու համար անհրաժեշտ է սահմանադրական փոփոխություններ իրականացնել: Կառավարման համակարգի փոփոխմամբ կընդլայնվեն նախագահ Ռեջեփ Թայիփ Էրդողանի լիազորությունները:
Սահամանդրական փոփոխությունների առաջարկը մեջլիսում անցկացնելու համար անհրաժեշտ է 330 ձայն: ԱԶԿ-ն մեջլիսում ունի 316 ձայն: Իշխող կուսակցությանը անհրաժեշտ է 14 քվե փոփոխությունները մեջլիսում հաստատելու, այնուհետև հանրաքվե անցկացնելու համար:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |