Գիտակրթական11:23, 14 Նոյեմբեր 2016
Գիրք կարդալը Թուրքիայի բնակչության նախասիրությունների մեջ 235-րդ տեղում է
Թուրքիայում ամեն տարի տասնյակ հազարավոր գրքեր են հրատարակվում, սակայն գիրք կարդալու սովորությունն այս երկրում, մեղմ ասած, չի արմատավորվում: «Milliyet» թերթի թղթակից Գյունգյոր Ուրասն ուշագրավ հոդված է հրապարակել երկրում գրքի նկատմամբ ցուցաբերվող հակասական վերաբերմունքի մասին:
Թուրքիայի վիճակագրական ընկերության (ԹՎԸ-TÜİK) հետազոտությունները ցույց են տվել, որ այս երկրի քաղաքացիներն օրական միջին հաշվով 6 ժամ հեռուստացույց են դիտում և 3 ժամ օգտվում ինտերնետից: Իսկ ահա գիրք կարդալը Թուրքիայի բնակչության նախասիրությունների մեջ գրավում է 235-րդ տեղը: Օրվա ընթացքում գիրք կարդալուն տրամադրվում է միջինում ընդամենը 1 րոպե ժամանակ:
Աշխարհում ամենաշատ գիրք կարդացող երկրներն Անգլիան և Ֆրանսիան են: Այստեղ բնակչութան 21 տոկոսն ունի գիրք կարդալու ձևավորված ավանդույթ: Ցուցակում այս երկրներին հետևում են Ճապոնիան (14 տոկոս), Ամերիկան, (12 տոկոս), Իսպանիան (9 տոկոս) : Թուրքիան այդ ցանկում զբաղեցնում է 86-րդ հորիզոնականը՝ 0.1 տոկոս ցուցանիշով: Այստեղ գիրք է կարդում յուրաքանչյուր հազար մարդուց միայն չորսը:
Ամբողջ աշխարհում յուրաքանչյուր մարդ միջինում գրքեր գնելու համար ծախսում է 1.3 դոլար, Թուրքիայի քաղաքացիները գրքերի վրա ծախսում են ընդամենը 0.25 դոլար:
Երեխաներին գիրք նվիրելու սովորության տեսանկյունից այս երկիրը 180 երկրների ցանկում 140-րդ տեղում է: Թուրք երեխաները գիրք կարդալու առումով զիջում են աֆրիկյան երկրների երեխաներին:
Վերջին 50-60 տարիների ընթացքում Թուրքիայում ոչ միայն չի զարգացել գիրք կարդալու սովորությունը, այլև նկատելիորեն հետընթաց է ապրել:
Մյուս կողմից՝ Թուրքիայում յուրաքանչյուր տարի 45-50.000 անուն գիրք է տպագրվում: Իսկ էլեկտրոնային տարբերակով հրապարակվում է ևս 4-5.000 գիրք: Տպագրվող գրքերի 58 տոկոսը դասագրքեր են: Եվս 15.000-ը՝ գեղարվեստական գրքեր, 1.500-ը՝ մշակույթի և արվեստի բնագավառներին վերաբերող գրքեր, 3.000-ը՝ կրոնական գրքեր:
Ըստ վիճակագրության՝ 2015թ. Թուրքիայում վաճառվել է 330 մլն գիրք, 2014թ.՝ 334 մլն գիրք: Այս երկրում գործում է շուրջ 1.800 տպագրատուն և 6.000 գրախանութ:
Այս ենթաբաժնի վերջին նորությունները
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Նախարարությունը արմատական փոփոխություններ է մտցրել «Պատմություն» առարկայի ուսումնական ծրագրում:
Վաճառքի հանված գրքերի մեջ արաբերեն հադիսները եղել են անընթեռնելի, իսկ տեքստը աղավաղված։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |