Էրդողան. «Թող ոչ ոք մեզ վրա մատ թափ չտա»

Հասարակական08:09, 16 Նոյեմբեր 2016

Էրդողան. «Թող ոչ ոք մեզ վրա մատ թափ չտա»

Թուրքիայի նախագահ Ռեջեփ Թայիփ Էրդողանը միջազգային լրատվիջոցներին մեղադրել է Թուրքիայի հարցում միակողմանի, սադրիչ լուրեր հրապարակելու մեջ:

Ինչպես տեղեկացնում է թուրքական «Doğan» լրատվական գործակալությունը, Էրդողանը այս մասին հայտարարել է պետական «TRT» հեռուստաալիքի անգլալեզու ալիքի՝ «TRT World»-ի հեռարձակման մեկնարկն ազդարարող հանդիսավոր միջոցառման ժամանակ:

Այս համատեքստում Էրդողանը կարևորել է անգլալեզու ալիքի ստեղծումը, քանի որ Թուրքիայի ներքին կյանքում ձեռքբերումներն ու հաջողությունները բավարար չափով չեն ներկայացվում արտաքին աշխարհին, իսկ երկրում տեղի ունեցող իրադարձությունները միջազգային լրատվականներում չափազանցված են ներկայացվում:

«Վերջին 3 տարում Թուրքիայում տեղի ունեցած մի շարք դեպքերից հետո դառը փորձ ենք ձեռք բերել: Գեզիի դեպքերի ժամանակ (Ստամբուլի Գեզի զբոսայգու պահպանության համար սկսված զանգվածային ցույցեր, որոնք վերածվեցին հակակառավարական բողոքի մեծ ալիքի) տեսանք, թե միջազգային լրատվամիջոցները ինչպես են կողմնակալ դիրքորոշում ցուցաբերում և սադրում: Այդ լրատվամիջոցները ոչ միայն հերոսացնում էին Ստամբուլի և Անկարայի փողոցները թալանող, մոլոտովյան կոկտեյլներով և անգամ զենքով մեր ոստիկանների վրա հարձակվող, Դերիքում շրջանի ղեկավարին սպանող բարբարոսներին, այլև առանց ամաչելու ի ցույց դնում իրենց անսկզբունքայնությունը»:

Էրդողանը համեմատել է միջազգային լրատվամիջոցների վերաբերմունքը Արևմուտքում և Թուրքիայում կատարվող կատարվող ցույցերի նկատմամբ:

«Գերմանիայում կամ Ամերիկայում, երբ ոստիկանությունը ցուցարարներին ցրում է, դա երբեք ոստիկանական բռնություն չի ներկայացվում: Փողոցները փակողներին էլ «խելացի երեխաներ» գեղեցիկ պիտակավորումներ չեն տալիս»: Ըստ Էրդողանի՝ Թուրքիայում հուլիսի 15-ի ռազմական հեղաշրջման փորձի ժամանակ և դրանից հետո տեղի ունեցածը լրատվամիջոցների ցուցաբերած երկակի ստանդարտների կիրառման ամենավառ օրինակն է:

«Նրանք, ովքեր մեզ ժողովրդավարության դասեր են տալիս, չտեսան, որ մեր ազգը մեծից փոքր միավորվեց և 248 հոգու կյանքի գնով ժողովրդավարության նոր ասք գրեց: Թող ոչ ոք մեզ վրա մատ թափ չտա: Այս ազգը սեփական ճագատագիրը որոշելու զորություն ունի»:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։