Թուրքիան Ռուսաստանի հետ բանակցում է S-400 ՀՕՊ համակարգեր ձեռք բերելու համար

12:20, 18 Նոյեմբեր 2016

Թուրքիան Ռուսաստանի հետ բանակցում է S-400 ՀՕՊ համակարգեր ձեռք բերելու համար

Թուրքիայի պաշտպանության նախարար Ֆիքրի Ըշըքը հայտարարել է, որ իրենք քննարկումներ են անցկացնում մի շարք երկրների` այդ թվում Ռուսաստանի Դաշնության (ՌԴ) հետ, ՀՕՊ համակարգերի ձեռքբերման շուրջ:

«BBC» լրատվամիջոցի թուրքական ծառայությանն այդ մասին հայտնել է Թուրքիայի պաշտպանության նախարարը Անկարայում տեղի ունեցած միջոցառման ժամանակ, որտեղ ներկայացված էին թուրքական «Roketsan» ընկերության կողմից արտադրված հեռակառակավարվող հրթիռներ և զենքեր:

Խոսելով ՀՕՊ-ի համակարգեր ձեռք բերելու անհրաժեշտության մասին՝ Ըշըքն ասել է. «Բացի այն բանից, որ քննարկումներ ենք անցկացնում Ռոսաստանի հետ S-400 համակարգերի հարցում, մենք նաև բանակցություններ ենք վարում այլ երկրների հետ, որոնք նույնպես ունեն ՀՕՊ համակարգեր: Այս պահին Ռուսաստանի դիրքորոշումը դրական է»:

Թուրքիայի պաշտպանության նախարարի խոսքերով` իրենք հույս ունեն, որ Հյուսիսատլանտյան դաշինքի (ՆԱՏՕ) անդամ երկրները մեծ ջանքեր կգործադրեն և Թուրքիան իրենց հետ համապատասխան ՀՕՊ համակարգեր կունենա, սակայն նա պարզաբանել է, որ դա ամենևին չի նշանակում, որ Թուրքիան անտեսում է Ռուսաստանի առաջարկը S-400 ՀՕՊ համակարգերի հարցում:

Աղբյուր` Ermenihaber.am