Տարածաշրջան07:52, 18 Նոյեմբեր 2016
Թուրքիան շարունակում է հարվածել Սիրիայի քրդական ուժերին
Թուրքիայի զինված ուժերը հրետակոծել են Սիրիայի «Ժողովրդավարական միություն կուսակցության» (ԺՄԿ-PYD) ռազմական ջոկատների` «Ժողովրդի պաշտպանության ուժերի» (ԺՊՈւ-YPG) ուժերի դիրքերը: Այս մասին հայտնում է թուրքական «Haberler» կայքը, հղում անելով թուրքական ռազմական աղբյուրներին:
Ըստ նույն աղբյուրների պնդումների՝ թուրքական ԶՈՒ-ն հրետակոծում է ԺՊՈՒ-ի դիրքերը, քանի որ վերջիններս, չնայած ԱՄՆ-ի հայտարարություններին, չեն լքում Եփրատ գետի արևելյան ափի մոտ գտնվող Մանբիչ քաղաքը:
Ավելին` ըստ թուրքական կողմի պնդումների` ԺՊՈՒ-ի զինյալները Սիրիայի Էլ Բաբ քաղաքի մոտակայքում մի քանի օր առաջ իրենց վերահսկողության տակ էին վերցրել Շեյհ Նասըր, Սաբ Վերեն, Քանլը Քույու, Բողազ, Քենդիրիլի, Էլ Իշլիյեմ, Քանքավի և Բերշայա գյուղերը, որոնք գտնվում էին «Իսլամական պետություն» (ԻՊ) ահաբեկչական կազմակերպության վերահսկողության տակ:
Առայժմ, Սիրիայի քրդերի ուղղությամբ հարվածներ հասցնելու մասին, ոչ մի պաշտոնական հայտարարություն չկա Թուրքիայի կողմից:
Հիշեցնենք, որ սիրիական սահմանային Ջերաբլուս քաղաքն ահաբեկիչներից մաքրելուն ուղղված օպերացիայի շրջանակներում օգոստոսի 24-ի վաղ առավոտյան կոալիցիոն ուժերի աջակցությամբ Թուրքիայի զինված ուժերը «Եփրատի վահան» անվամբ լայնամասշտաբ գործողություններ սկսեցին: Ահաբեկիչնեի դեմ հիմնական ցամաքային գործողություններն իրականացնում են «Սիրիայի ազատ բանակ» կոչվող զինված ընդդիմության մարտիկները՝ Թուրքիայի մի քանի հարյուր հատուկջոկատայինների և հրետանային ստորաբաժանումների մասնակցությամբ:
Այս ենթաբաժնի վերջին նորությունները
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Ըստ թուրքական մամուլի՝ քուրդ զինյալների հրամանատարը հրավիրվել է Թրամփի երդմնակալության արարողությանը։
Զորավարժությունն անցկացվում է Թուրքիայի Մարմարիս քաղաքի «Աքսազ» ռազմածովային բազայում։
Լոնդոնում կազմակերպվել է նրանց հանդիպումը։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
«Անձրևների բացակայությամբ պայմանավորված քաղաքում առկա է այնքան ջուր, որը մոտավորապես կբավարարի 310 օր»,-հայտնել է քաղաքապետարանը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |