Թուրքիայում Վանի քաղաքապետը կալանավորվել է, իսկ Աղրըի քաղաքապետը` դատապարտվել

Իրավական07:57, 18 Նոյեմբեր 2016

Թուրքիայում Վանի քաղաքապետը կալանավորվել է, իսկ Աղրըի քաղաքապետը` դատապարտվել

Վանի հանրապետական դատախազության կողմից իրականացվող հետաքննության շրջանակներում երեկ ձերբակալված Վանի քաղաքապետ ,ազգությամբ քուրդ Բեքիր Քայան կալանավորվել է: Կալանավորվել է նաև Քայայի հետ ձերբակալված քաղաքապետարանի 4 աշխատակիցներից մեկը` Զելալ Թանլըն: Քայան և Թանլըն մեղադրվել են «ՔԲԿ» («Քուրդիստանի բանվորական կուսակցություն/PKK») ահաբեկչական կազմակերպությանը գիտակցաբար և կամովին աջակցելու» մեջ:

Աղրըի՝ ազգությամբ քուրդ քաղաքապետ Աըրրը Սաքըքն էլ 1 տարի 3 ամսվա ազատազրկման է դատապարտվել` «Քուրդիստանի բանվորական կուսակցության» (PKK-ՔԲԿ) օգտին քարոզչություն անելու մեղադրանքով:

Սաքըքին նման մեղադրանք առաջադրելու պատճառ է դարձել նախորդ տարի խորհրդարանական ընտրություններին ընդառաջ կազմակերպված «Մեծ մարդասիրական հանրահավաք» խորագրով միջոցառմանը ունեցած ելույթը: Սաքըքի փաստաբանները պատրաստվում են բողոքարկել դատարանի վճիռը: