Թուրքիայի խոշոր նավատորմերից մեկի սեփականատիրոջ նկատմամբ ձերբակալման որոշում է կայացվել

Իրավական13:31, 22 Նոյեմբեր 2016

Թուրքիայի խոշոր նավատորմերից մեկի սեփականատիրոջ նկատմամբ ձերբակալման որոշում է կայացվել

Թուրք խոշոր գործարար Իհսան Քալքավանի նկատմամբ ձերբակալման որոշում է կայացվել: Թուրքական «Haberler.com» լրատվակայքի տեղեկացմամբ՝ որոշումը կապված է Ստամբուլի գլխավոր հանրապետական դատախազության՝ ահաբեկչության և կազմակերպված հանցագործության դեմ պայքարի բյուրոյի կողմից իրականացվող դատական վարույթի հետ:

Մինչ այժմ գործարարին գտնել, որևէ կերպ ծանուցել կամ նրանից ցուցմունք վերցնել չի հաջողվել: Այս պահին Քալքավանը գտնվում է փախուստի մեջ:

Հիշյալ գործարարը մեղադրվում է Անկարայի կողմից ահաբեկչական հռչակված գյուլենական կազմակերպության անդամ լինելու մեջ: Նրա նկատմամբ հայտարարված է հետախուզում: Հայտնաբերվելու դեպքում անմիջապես պետք է բերման ենթարկվի Ստամբուլի գլխավոր հանրապետական դատախազություն, իսկ ցուցմունք տալուց հետո կալանավորվի:

Նշենք, որ Իհսան Քալքավանը «Asya Finans» և «Işık Sigorta» ընկերությունների տնօրենների խորհրդի նախագահն է, ինչպես նաև՝ Թուրքիայի առևտրային խոշոր նավատորմերից մեկի սեփականատերը:

Աղբյուր` Ermenihaber.am